வட்டி விகிதங்களை உயர்த்த ஐரோப்பிய மத்திய வங்கி திட்டம்!

ஈரான் போரினால் எரிசக்தி விலைகள் உயர்ந்துள்ள நிலையில், ஐரோப்பாவில் நிலவும் பணவீக்கத்தைக் கட்டுப்படுத்த ஐரோப்பிய மத்திய வங்கி வட்டி விகிதங்களை உயர்த்தத் திட்டமிட்டுள்ளது.

பணவீக்கம் நிர்ணயிக்கப்பட்ட இரண்டு சதவீத இலக்கைத் தாண்டி தற்போது மூன்று சதவீதத்திற்கும் மேல் உள்ளதால், இந்த நிதி நிலை மாற்றம் அவசியமெனக் கருதப்படுகின்றது.

பொருளாதார வளர்ச்சி மந்தமாக இருந்தாலும், முதலீட்டாளர்களின் நம்பிக்கையைத் தக்கவைக்கவும் விலைவாசி உயர்வைக் குறைக்கவும் வங்கி அதிகாரிகள் இந்த முடிவை எடுக்க உள்ளனர் என தெரிவிக்கப்படுகின்றது.

சுமார் மூன்று ஆண்டுகளுக்குப் பிறகு மேற்கொள்ளப்படும் இந்த மாற்றத்தின் மூலம், வட்டி விகிதம் 2.25 சதவீதமாக அதிகரிக்கும் என்று எதிர்பார்க்கப்படுகிறது.

முன்னதாக 2022-ல் ஏற்பட்ட விலைவாசி உயர்வை எதிர்கொள்ளத் தவறிய விமர்சனங்களுக்குப் பிறகு, தங்களின் நாணயக் கொள்கையை வலுப்படுத்த ஐரோப்பிய மத்திய வங்கி தற்போது முனைப்பு காட்டுகிறது.