அரச நிதியுதவி குழந்தை பராமரிப்பு சேவையில் மறைமுக செலவுகள் – பெற்றோர்களுக்கு பெரும் சுமை

அரசு நிதியுதவி பெறும் சிறுவர் பராமரிப்பு சேவைகளை பயன்படுத்தும் பெற்றோரிடம் விதிக்கப்படும் மறைமுகச் செலவுகள் குறித்து ஆய்வு செய்யுமாறு கல்வித்துறை செயலாளர் பிரிட்ஜெட் பிலிப்சன், போட்டி மற்றும் சந்தைகள் ஆணையத்திடம் (CMA) கோர உள்ளதாக தகவல்கள் வெளியாகியுள்ளன.

முன்னாள் கன்சர்வேடிவ் அரசாங்கத்தின் திட்டத்தின் கீழ், இங்கிலாந்தில் மூன்று மற்றும் நான்கு வயது சிறுவர்களுக்காக ஆண்டுக்கு 30 மணி நேர குழந்தை பராமரிப்பு சேவை வழங்கப்பட்டது. பின்னர் இந்த திட்டம் ஒன்பது மாதம் முதல் குழந்தைகளுக்கும் விரிவுபடுத்தப்பட்டது.

ஆனால், நடைமுறையில் பெற்றோர்கள் கூடுதல் செலவு செய்ய வேண்டியுள்ளதாக அமைச்சர்கள் கவலை வெளியிட்டுள்ளனர்.

சில மழலையர் பாடசாலைகளில் சேர்வதற்கு முன்பணம் செலுத்த வேண்டிய நிலை இருப்பதுடன், உணவு, சிற்றுண்டி, டயப்பர், சன்ஸ்கிரீன் போன்ற கூடுதல் கட்டணங்களும் விதிக்கப்படுகின்றன.

இதனால், அரசு நிதியுதவி இருந்தாலும், பல குடும்பங்களுக்கு குழந்தை பராமரிப்பு சேவையை அணுகுவது இன்னும் சுமையாக இருப்பதாகக் கூறப்படுகிறது.

இதற்கிடையில், சில பெற்றோர்கள் தினசரி கூடுதல் செலவுகள் காரணமாக நிதி சுமை அதிகரிப்பதாகவும் அனுபவங்களை பகிர்ந்துள்ளனர்.