கிரேக்க நாட்டில் உல்லாசத் தீவில் விபரீதம் – பல்லாயிரக் கணக்கான வெளிநாட்டவர்கள் வெளியேற்றம்

கிரேக்க நாட்டின் பிரபல ரோட்ஸ் (Rhodes) உல்லாசத் தீவில் கட்டுப்படுத்த முடியாதவாறு காட்டுத் தீ பரவிவருகின்றது.

இதனால் அங்கிருந்து பல்லாயிரக் கணக்கிலான வெளிநாட்டவர்கள் வெளியேற்றப்பட்டு வருகின்றனர்.

மத்தியதரைக் கடலில் – துருக்கிக்கு மிக அருகில் -அமைந்துள்ள அழகிய கடற்கரைகள் கொண்ட அந்தத் தீவில் கடும் வெப்ப அனல் காரணமாகத் தீ மூண்டு பரவிவருகிறது.

கடந்த ஐந்து நாட்களுக்கு மேலாகத் தீயைக் கட்டுப்படுத்த முடியாத நிலைவரம் காணப்படுவதால் அங்கு கோடை விடுமுறையைக் கழித்துக் கொண்டிருக்கின்ற உல்லாசப் பயணிகளை உடனடியாக அங்கிருந்து வெளியேறுமாறு அதிகாரிகள் கேட்டுள்ளனர்.

ஹொட்டேல்கள் மற்றும் சுற்றுலாத் தலங்களை மூடிவிடுமாறும் உத்தரவிடப்பட்டுள்ளது. ஐரோப்பிய நாடுகள் சில அங்கு தங்கியுள்ள தமது பிரஜைகளை எச்சரித்துள்ளன.

தொடர்புடைய செய்திகள்:

மொஸ்கோவில் விழுந்து விபத்துக்குள்ளான எரிபொருள் நிரப்பப்பட்ட ட்ரோன்! மிகப்பொரிய நூலகத்திற்கு தீ வைத்த வன்முறையாளர்கள் – தீயில் கருகிய புத்தகங்கள் ரஷ்ய கடற்படைத் தலைவரை சந்தித்த சீன பாதுகாப்பு அமைச்சர்! பிரான்ஸில் தீயை கட்டுப்படுத்த சென்ற தீயணைப்பு படை வீரருக்கு நேர்ந்த கதி!