கமரூனில் மண்ணில் புதையுண்ட பேருந்துகள் : 50 பேர் மாயம்!
கமரூனின் மேற்கில் மூன்று பயணிகள் பேருந்துகள் மற்றும் பல சாலைப் பணியாளர்கள் நிலச்சரிவில் சிக்கியதில் குறைந்தது நான்கு பேர் உயிரிழந்துள்ளதாக தெரிவிக்கப்படுகிறது.
அத்துடன் 50 இற்கும் மேற்பட்டோர் மண்ணில் புதையுண்ட நிலையில் மாயமாகியுள்ளதாக கூறப்படுகிறது.
கடந்த செவ்வாய்க்கிழமை பெய்த மழையினால் மண் வலுவிழந்து நிலச்சரிவு ஏற்பட்டதாக கேமரூனின் பொதுப்பணித்துறை அமைச்சர் இம்மானுவேல் நாகனு ஜூமெஸ்ஸி தெரிவித்துள்ளார்.
இடிபாடுகளில் சிக்கியுள்ளவர்களை மீட்பதற்கான பணிகள் முழுவீச்சில் இடம்பெற்று வருவதாகவும் அவர் தெரிவித்துள்ளார்.
இதேவேளை மேற்கு ஆபிரிக்கா இந்த ஆண்டு பல தசாப்தங்களில் மிகப்பெரும் வெள்ளத்தை அனுபவித்து, 1,000 க்கும் மேற்பட்ட மக்கள் உயிரிழந்துள்ளமை குறிப்பிடத்தக்கது.
