லியோ FDFS-வில் காதலியை கரம்பிடித்த விஜய் ரசிகர் – நெகிழ்ச்சியான சம்பவம்

நடிகர் விஜய்யின் லியோ திரைப்படம் தமிழகம் முழுவதும் இன்று காலை 9 மணிக்கு ரிலீஸ் ஆனது. அப்படத்தை ரசிகர்கள் திருவிழா போல் கொண்டாடி வருகின்றன. புதுக்கோட்டையில் லியோ படம் ரிலீசான தியேட்டரில் ஒரு சுவாரஸ்ய சம்பவம் அரங்கேறி உள்ளது.

நடிகர் விஜய்யின் தீவிர ரசிகர் ஒருவர், தியேட்டரில் வைத்து தனது காதலியை கரம்பிடித்து உள்ளார். இருவரும் தியேட்டரில் மோதரம் மாற்றி திருமணம் நிச்சயம் செய்துகொண்டனர்.

நடிகர் விஜய்யின் தீவிர ரசிகரான புதுக்கோட்டை சேர்ந்த வெங்கடேஷ், மஞ்சுளா என்பவரை காதலித்து வந்துள்ளார். இந்த ஜோடி தான் இன்று லியோ முதல் காட்சியின் போது திருமண நிச்சயம் செய்துகொண்டனர்.

இதுகுறித்து பேசிய வெங்கடேஷ், தனக்கு தாய், தந்தை இருவருமே கிடையாது, விஜய் தான் தனக்கு எல்லாமே. அதனால் தான் அவர் முன்னிலையில் திருமணம் செய்துகொண்டதாக நெகிழ்ச்சியுடன் தெரிவித்தார்.

புதுக்கோட்டை விஜய் மக்கள் இயக்க மாவட்டத்தலைவர் முன்னிலையில் இந்த திருமண நிச்சயதார்த்தம் நடைபெற்றது. லியோ படத்தின் போது தான் திருமணம் செய்துகொள்ள வேண்டும் என தான் 8 மாதமாக காத்திருந்து இன்று நிச்சயதார்த்தம் செய்துகொண்டதாகவும், நாளை திருமணம் செய்துகொள்ள இருப்பதாகவும் விஜய்யின் தீவிர ரசிகரான வெங்கடேஷ் கூறினார்.

நடிகர் விஜய் கிறிஸ்துவ மதத்தை சேர்ந்தவர் என்பதால் அந்த முறைப்படி இன்று மோதிரம் மாற்றி திருமணம் செய்துகொண்டதாகவும், நாளை பெருமாள் கோவிலில் தங்களது திருமணம் நடைபெறும் என்றும் வெங்கடேஷ் தெரிவித்தார்.

லியோ படம் ரிலீசான தியேட்டரில் திருமண நிச்சயம் செய்துகொண்ட வெங்கடேஷ் – மஞ்சுளா ஜோடிக்கு அங்கு படம் பார்க்க வந்த ரசிகர்கள் வாழ்த்துக்களை தெரிவித்தனர்.

தொடர்புடைய செய்திகள்:

நடிகைக்கு பாலியல் தொந்தரவு கொடுத்து கொலை மிரட்டல்… கார் ஓட்டுநர் உட்பட இருவர் கைது! யாழில் இனிமேல் இசை நிகழ்வுகள் நடந்தால்…. இலங்கை அமைச்சர் அதிரடி ஆல்யா – சஞ்சீவ் ஆடம்பர வாழ்க்கை வாழ்வது எப்படி? வெளியானது இரகசியம் பிரபல சீரியல் நடிகை ஜெயலட்சுமி கைது… சினேகன் தான் காரணமா? வீட்டு பணியாட்கள் முன்னிலையில் ஏற்பட்ட அவமானம் – மனம திறந்தார் ஜெயம் ரவி ரஜினிகாந்தின் வேட்டையன் டிரைலர் வெளியானது.. கொண்டாடும் ரசிகர்கள்