ஹிந்தி படங்களில் நடிக்காததற்கு காரணம் இதுதான்: மனம் திறந்த நடிகை த்ரிஷா

தமிழ் சினிமாவில் 20 ஆண்டுகளுக்கு மேலாக முன்னணி நடிகையாக இருக்கிறார் நடிகை திரிஷா.

சூர்யாவுடன் மௌனம் பேசியதே படத்தில் முதன்முதலில் நாயகியாக நடிக்க அதன்பிறகு சினிமாவில் அசுர வளர்ச்சி கண்டார்.

தமிழை தாண்டி தெலுங்கு, கன்னடம், என அனைத்து முன்னணி நடிகர்களின் படங்களில் டாப் நாயகியாக வலம் வந்தார்.

40 வயதை கடந்த போதும் முன்னணி நாயகியாக வலம் வரும் திரிஷா ஹிந்தி படத்தில் நடிக்காதது குறித்து பேட்டி ஒன்றில் கூறியுள்ளார்.

அதில் அவர், 2010ம் ஆண்டு அக்ஷய் குமாருடன் இணைந்து கட்டா மீட்டா படத்தில் நடித்தேன்.

படம் எதிர்ப்பார்ப்புடன் வெளியாக அந்த படம் எதிர்ப்பார்த்த வெற்றியை பெறவில்லை, ஹிந்தி ரசிகர்கள் மனதில் இடம் பிடிக்க முடியாமல் போனதால் அதுவே என் முதலும் கடைசி படமாக அமைந்துவிட்டது.

இதனால் நான் பாலிவுட்டில் இருந்து விலகிவிட்டேன் என கூறியுள்ளார்.