அதிகாரத்தை துஷ்பிரயோகம் செய்யும் நாடு சீனா என அமெரிக்க ஜனாதிபதியாக பதவியேற்ற டொனால்டு டிரம்ப் விமர்சித்தார். இரண்டாவது நாள் அலுவலகப் பணியின்போது அளித்த பேட்டியில், அவர் இதனை குறிப்பிட்டுள்ளார். ஐரோப்பிய யூனியன் மிக மிக மோசமாக நடந்து கொள்வதாக அவர் சாடினார். அமெரிக்க தயாரிப்பு கார்களை ஐரோப்பிய யூனியன் நாடுகள் புறக்கணிப்பதாகவும், அமெரிக்க வேளாண் பண்ணையில் விளைவிக்கப்படும் பொருட்களையும் பயன்படுத்துவதில்லை என்றும் தெரிவித்தார்.

அமெரிக்காவில் வரலாறு காணாத பனிப்பொழிவும், பனிப்புயலும் ஏற்பட்டுள்ளது. இந்த நிலையில், வடக்கு புளோரிடா, கரோலினா மற்றும் ஜார்ஜியா மாகாணங்களில், 3 கோடி பேருக்கு பாதுகாப்பு எச்சரிக்கை விடுக்கப்பட்டுள்ளது. இதேவேளை, வடக்கு புளோரிடாவில் அவசர நிலை பிரகடனப்படுத்தப்பட்டுள்ளதாக அறிவிக்கப்பட்டுள்ளது. இந்த நிலையில், பாடசாலை, கல்லூரிகள், அலுவலகங்கள் மூடப்பட்டுள்ளன. குளிரில் இருந்து தப்பிக்க, அரசு சார்பில் குளிர்காயும் உஷ்ண மையங்களை அமைக்கவும் ஏற்பாடு செய்யப்பட்டுள்ளது.

அடுத்த மாதம் முதல் கனடா, மெக்சிகோ ஆகிய நாடுகளுக்கு 25 சதவீதம் வரிவிதிப்பு அமல்படுத்தப்படும் என அமெரிக்க ஜனாதிபதி டிரம்ப் அறிவித்துள்ளார். அவரது அறிவிப்பிற்கு கனடா அடிபணியாது என்று கனடா பிரதமர் அறிவித்தார். அமெரிக்க ஜனாதிபதியாக வெள்ளை மாளிகையின் ஓவல் அலுவலகத்தில் புதியதாக பதவியேற்ற டிரம்ப் செய்தியாளர்களிடம் கூறுகையில், எதிர்வரும் பெப்ரவரி மாதம் முதலாம் திகதி முதல் மெக்சிகோ மற்றும் கனடாவில் இருந்து இறக்குமதி செய்யப்படும் பொருட்களுக்கு 25% அமெரிக்க அரசு வரிகளை அறிமுகப்படுத்துவது பற்றி யோசித்து […]