பொசன் போயா தினத்தை முன்னிட்டு அநுராதபுரம் பிரதேசத்திற்கு 10 இலட்சத்துக்கும் மேற்பட்ட பக்தர்கள் வருகை தந்துள்ளதாக அநுராதபுரம் மாவட்ட செயலாளர் ஜனக ஜயசுந்தர தெரிவித்துள்ளார். பொசன் போயா வாரமானது இன்று செவ்வாய்க்கிழமை முதல் (18) எதிர்வரும் 24 ஆம் திகதி வரை அநுராதபுரத்தில் பௌத்த மத அனுஷ்டானங்களுடன் இடம்பெறவுள்ளன. இதேவேளை, பொசன் போயா தினத்தை முன்னிட்டு அநுராதபுரம் பிரதேசத்தில் பாதுகாப்பு நடவடிக்கைகளுக்காக 4,500 பொலிஸ் உத்தியோகத்தர்கள் கடமையில் ஈடுபட்டுள்ளதாக அநுராதபுரம் மாவட்ட செயலாளர் ஜனக ஜயசுந்தர தெரிவித்துள்ளார்.

சட்டமா அதிபர் சஞ்சய் ராஜரட்னத்தின் பதவிக் காலத்தை நீடிக்க வேண்டும் என்ற ஜனாதிபதியின் யோசனையை அரசியலமைப்பு பேரவை நிராகரித்துள்ளது. சட்டமா அதிபரின் பதவிக் காலத்தை மேலும் ஆறு மாதங்களுக்கு நீடிக்க ஜனாதிபதி யோசனை தெரிவித்துள்ளதாக தெரிவிக்கப்படுகின்றது. பாராளுமன்றத்தில் சபாநாயகர் மஹிந்த யாப்பா அபேவர்தன தலைமையில் அரசியலமைப்பு பேரவை இன்று கூடியபோது ஜனாதிபதியின் யோசனை தோற்கடிக்கப்பட்டதாக செய்தி வெளியிட்டுள்ளது. அண்மைக்காலமாக சட்டமா அதிபரின் பதவிக் காலத்தை நீடிக்கும் ஜனாதிபதியின் யோசனைக்கு எதிர்ப்புக்கள் முன்வைக்கப்பட்டன.

இரண்டாவது மின்சாரக் கட்டணத் திருத்தம் தொடர்பாக பொதுமக்களின் கருத்தை (பொது ஆலோசனை) பெற இலங்கை பொதுப் பயன்பாடுகள் ஆணைக்குழு முடிவு செய்துள்ளது. இலங்கை பொதுப் பயன்பாடுகள் ஆணைக்குழுவிடம் சமர்ப்பிக்கப்பட்டுள்ள மின்சாரக் கட்டணத் திருத்தப் பிரேரணையை இலங்கை மின்சார சபை தற்போது மீளாய்வு செய்து வருவதாகவும், அதற்கான ஆலோசனைப் பத்திரத்தை www.pucsl.gov.lk என்ற இணையத்தளத்தில் அணுக முடியும் எனவும் தெரிவிக்கப்பட்டுள்ளது. உத்தேச மின் கட்டண திருத்தம் தொடர்பாக 2024 ஜூலை 08 ஆம் திகதிவரை பொதுமக்களின் எழுத்துப்பூர்வ கருத்துகள் […]