மெனிங் சந்தை பகுதியில் போராட்டம் நடத்திய 12 பேர் கைது!

மெனிங் சந்தை பகுதியில் போராட்டம் நடத்துவதற்கு நீதிமன்றம் தடை உத்தரவு பிறப்பித்திருந்தது.

இந்நிலையில் நீதிமன்றத்தின் குறித்த தடையை மீறி போராட்டம் நடத்திய மெனிங் பொதுச் சந்தை தொழிற்சங்கத்தின் தலைவர் உள்பட 12 பேர் கைது செய்யப்பட்டுள்ளதாக அறிவிக்கப்பட்டுள்ளது.

இந்த குழு இன்று (26.07) காலை பேலியகொட பொலிஸ் நிலையத்தினால் கைது செய்யப்பட்டுள்ளதாக பதில் பொலிஸ் ஊடகப் பேச்சாளர் பிரதி பொலிஸ் மா அதிபர் ருவன் குணசேகர தெரிவித்துள்ளார்.

பேலியகொட மெனிங் பொதுச் சந்தையில் கடையடைப்பு வழங்குவதில் ஏற்பட்ட பிரச்சினையின் அடிப்படையில் வர்த்தக சங்கம் போராட்டம் ஒன்றை முன்னெடுக்கவுள்ளதாக அறிவித்திருந்தது. இதற்கமைய இன்று போராட்டம் முன்னெடுக்கப்பட்ட நிலையில் பொலிஸார் கைது செய்துள்ளனர்.