தலிபான் கவர்னர் ஒருவர் அலுவலகம் மீது நடத்தப்பட்ட தாக்குதலில் கொல்லப்பட்டார்

ஆப்கானிஸ்தானின் வடக்கு பால்க் மாகாணத்தில் உள்ள தலிபான் கவர்னர் அலுவலகம் மீது நடத்தப்பட்ட தாக்குதலில் கவர்னர் கொல்லப்பட்டதாக வெளிநாட்டு ஊடகங்கள் செய்தி வெளியிட்டுள்ளன.

பால்க் மாகாணத்தின் தலிபான் ஆளுநரான முகமது தாவூத் முஸம்மில் தனது உயிரை இழந்தார், மேலும் 2021 இல் ஆப்கானிஸ்தானில் தலிபான்கள் மீண்டும் அதிகாரத்தைக் கைப்பற்றிய பின்னர் கொல்லப்பட்ட மிக மூத்த அதிகாரி அவர் ஆவார்.

தாக்குதலுக்கான காரணம் இன்னும் தெளிவாகத் தெரியவில்லை என்றும், தாக்குதலுக்கு இதுவரை எந்தத் தரப்பினரும் பொறுப்பேற்கவில்லை என்றும் பிபிசி செய்திச் சேவை கூறுகிறது.

ஆனால் தலிபான் செய்தி தொடர்பாளர் ஷபிஹுல்லா முஜாஹித், இஸ்லாமிய எதிரிகள் நடத்திய வெடிகுண்டு தாக்குதலில் கவர்னர் வீரமரணம் அடைந்ததாக ட்வீட் செய்துள்ளார்.

வடகிழக்கு மாகாணத்தில் உள்ள நங்கர்ஹர் மாகாணத்தின் ஆளுநராகப் பணியாற்றிய முஸம்மிலை கடந்த அக்டோபர் மாதம் பால்க் கவர்னர் பதவிக்கு நியமிக்க தலிபான் ஆட்சி ஏற்பாடு செய்தது.

இன்று (09) காலை 9 மணியளவில் ஆளுநரின் அலுவலகத்தின் இரண்டாவது மாடியில் இந்த வெடிப்புச் சம்பவம் இடம்பெற்றதாக பல்க் பொலிஸ் ஊடகப் பேச்சாளர் மொஹமட் ஆசிப் வஸிரி இது தொடர்பில் அறிவித்துள்ளார்.

இந்த தாக்குதலில் குறைந்தது ஒரு நபராவது கொல்லப்பட்டதாக பால்க் போலீசார் மேலும் தெரிவித்தனர். இது தற்கொலை குண்டுத் தாக்குதல் என உறுதி செய்யப்படாத தகவல்கள் தெரிவிக்கின்றன.

தொடர்புடைய செய்திகள்:

இஸ்ரேலில்போராட்டம்; பிரதமர் நெதன்யாகு அதிரடி திட்டம்! சிங்கப்பூரில் அடுக்குமாடி குடியிருப்பில் ஆண் ஒருவர் மர்ம மரணம் சூடானில் இருந்து தமது குடிமக்களை வெளியேற்றும் திட்டத்தை ரத்து செய்த ஜெர்மனி அடைப்பில் இருந்து வெளியே வந்த சிங்கங்கள்- அலறியடித்து ஓடி மக்கள்