சாதாரண ரசிகர்களுக்கு எட்டாக்கனி: உலகக் கிண்ண டிக்கெட் விலையால் சர்ச்சை
FIFA உலகக் கிண்ணத் தொடரில் கடந்த செவ்வாய்க்கிழமை நடைபெற்ற முதலாவது அரையிறுதிப் போட்டியில் பிரான்ஸ் அணியைத் தோற்கடித்து ஸ்பெயின் அணி இறுதிப் போட்டிக்குத் தகுதி பெற்றுள்ளது.
இதற்கிடையில், மற்றுமொரு இறுதிப் போட்டி இடத்திற்காக இங்கிலாந்து மற்றும் அர்ஜென்டினா அணிகள் புதன்கிழமை மோதவுள்ளன.
இந்த கோடைகால உலகக் கிண்ணத் தொடரில் ஆரம்பத்திலிருந்தே டிக்கெட் விலைகள் பெரும் விவாதப் பொருளாக மாறியுள்ளன.
சர்வதேச காற்பந்து சம்மேளனம் (FIFA), சாதாரண காற்பந்து ரசிகர்களால் வாங்க முடியாத அளவிற்கு டிக்கெட் விலைகளை அதிகமாக நிர்ணயித்துள்ளதாகப் பலரும் கருதுகின்றனர்.
விளையாட்டுப் போட்டிகளில் சொகுசு மற்றும் விஐபி (Hospitality) வசதிகளுக்கான டிக்கெட்டுகள் எப்போதும் அதிக விலையிலேயே விற்கப்படும். ஆனால், இந்த முறை உலகக் கிண்ண இறுதிப் போட்டிக்காக FIFA வழங்கியுள்ள சொகுசு வசதிகளின் விலை, அடுத்த கட்டத்தை எட்டியுள்ளது.
57,500 டாலர் டிக்கெட்
MetLife) மைதானத்தின் ஆடுகளத்திற்கு மிக அருகில் அமர்ந்து பார்க்கும் ‘பிட்ச் சைட் லவுஞ்ச்’ (pitch side lounge) பகுதிக்கான ஒரு டிக்கெட்டின் விலை, ஒரு நபருக்கு 57,500 அமெரிக்க டாலர்கள் என நிர்ணயிக்கப்பட்டுள்ளது.
அதிர்ச்சியூட்டும் இந்த விலையின் காரணமாக, ஞாயிற்றுக்கிழமை நடைபெறவுள்ள இறுதிப் போட்டிக்கு முன்னதாக இந்த டிக்கெட்டுகள் இன்னும் விற்றுத் தீரவில்லை.FIFAவின் இந்த அதீத பணத்தாசை குறித்து ரசிகர்கள் தங்களது கருத்துக்களை வெளிப்படையாக விமர்சித்து வருகின்றனர்.
ரசிகர்களின் கிண்டலான எதிர்வினைகள்
இந்த சொகுசு டிக்கெட்டுகள் விற்காமல் இருப்பது குறித்த செய்தி வெளியானதைத் தொடர்ந்து, ரசிகர்கள் ‘X’ (ட்விட்டர்) தளத்தில் தங்களது கிண்டலான கருத்துக்களைப் பகிர்ந்து வருகின்றனர்.
“நானே மீதமுள்ள அனைத்து டிக்கெட்டுகளையும் வாங்கியிருப்பேன், ஆனால் துரதிர்ஷ்டவசமாக ஒருவருக்கு 6 டிக்கெட்டுகள் மட்டுமே என்ற கட்டுப்பாடு உள்ளது” என ஒரு ரசிகர் நையாண்டியாகப் பதிவிட்டுள்ளார்.
“ஒருவேளை அமெரிக்காவில் இந்த விளையாட்டுக்கான ஆர்வம் ஆரம்பத்திலிருந்தே மிகைப்படுத்தப்பட்ட ஒன்றாக இருக்குமோ?” என மற்றொரு ரசிகர் கேள்வி எழுப்பியுள்ளார்.
கருப்புச் சந்தையிலும் அதிக விலை
மறுபுறம், மறுவிற்பனை சந்தையில் (Secondary Market / Black Market) உலகக் கிண்ண இறுதிப் போட்டி டிக்கெட்டுகளின் விலை பாதியாகக் குறைந்திருந்தாலும், தற்போதைய நிலவரப்படி ஒரு டிக்கெட்டின் விலை 7,000 டாலருக்கும் அதிகமாகவே உள்ளது.
