தெற்காசிய நாடுகளிலும் மோதல் நிலை வலுப்பெறுமா? தாக்குதல் விமானங்களை கொள்வனவு செய்யும் பங்களாதேஷ்!

இத்தாலியிலிருந்து 10 யூரோஃபைட்டர் டைபூன் மல்டிரோல் போர் விமானங்களையும், துருக்கியில் கட்டமைக்கப்பட்ட ஆறு T-129 ATAK தாக்குதல் ஹெலிகாப்டர்களையும் கொள்வனவு செய்ய பங்களாதேஷ் அரசாங்கம் தீர்க்கமாக செயற்பட்டு வருகிறது.

இந்தோ – பசிபிக் பகுதியில் அதிகரித்து வரும் சர்ச்சைக்குரிய நிலைமைகளுக்கு மத்தியில் பங்களாதேஷின் மேற்படி நடவடிக்கையானது நாட்டின் பாதுகாப்பை வலுப்படுத்துவதோடு, விமானப்படையை மேம்படுத்த உதவும் எனக் கூறப்படுகிறது.

“Forces Goal 2030” திட்டத்தின் கீழ் இதற்கான முயற்சிகளை பங்களாதேஷ் அரசாங்கம் முன்னெடுத்து வந்துள்ளமையும் சுட்டிக்காட்டத்தக்கது. இந்த முயற்சி வேண்டுமென்றே முன்னெடுக்கப்பட்டதாகவும் குறிப்பிடப்படுகிறது.

வங்கதேச அரசாங்கம் துருக்கி உள்ளிட்ட ஐரோப்பிய நாடுகளின் விமானங்களை கொள்வனவு செய்யும் இந்த நடவடிக்கையானது தெற்காசிய நாடுகளில் எதிர்காலத்தில் ஏற்படும் மோதல்கள் பற்றிய மதிப்பீட்டை பிரதிபலிப்பதாகவும் அதிகாரிகள் தெரிவித்துள்ளனர்.