பேக்கரி பொருட்களின் விலை அதிகரிக்கப்பட மாட்டாது

பாண் உள்ளிட்ட பேக்கரி பொருட்களின் விலை அதிகரிக்கப்பட மாட்டாது என அகில இலங்கை பேக்கரி உரிமையாளர்கள் சங்கத்தின் தலைவர் என்.கே.ஜயவர்தன தெரிவித்துள்ளார்.

நாளை முதல் வற் வரி 18% ஆக அதிகரிக்கப்பட்டுள்ளதால் பேக்கரி தொழில் மற்றும் பேக்கரி உரிமையாளர்கள் பெரிதும் பாதிக்கப்பட்டுள்ளதாக அவர் மேலும் குறிப்பிட்டுள்ளார்.

ஆனால் தற்போதைய பொருளாதார நெருக்கடியை கருத்திற் கொண்டு நாட்டு மக்களைப் பற்றி சிந்தித்து பாண் உள்ளிட்ட பேக்கரி பொருட்களின் விலையை அதிகரிக்க வேண்டாம் என தீர்மானித்ததாக தலைவர் தெரிவித்தார்.

மேலும் இது குறித்து அரசுடன் பேசி தீர்வு காண்பதாகவும் கூறினார்.