வெல்லவாயவில் ஆயுதங்கள் மற்றும் வெடிமருந்துகளுடன் சந்தேகநபர் கைது

வெல்லவாய பகுதியில் வைத்து 63 வயதுடைய சந்தேக நபர் ஒருவர் ஆயுதங்கள் மற்றும் தோட்டாக்களுடன் நேற்று மாலை விசேட அதிரடிப்படையினரால் கைது செய்யப்பட்டதாக பொலிஸார் தெரிவித்துள்ளனர்.

இதன்படி, அனுமதியற்ற இரண்டு 12 போர் துப்பாக்கிகள், 22 தோட்டாக்கள், இரண்டு வெளிநாட்டில் தயாரிக்கப்பட்ட கைக்குண்டுகள், 9 மின்சாரம் அல்லாத டெட்டனேட்டர்கள், குண்டு துளைக்காத உடல் கவசம் மற்றும் சட்டவிரோத கத்தி ஆகியவை வீடு ஒன்றில் மேற்கொள்ளப்பட்ட சோதனையின் போது மீட்கப்பட்டுள்ளன.

புத்தல பொலிஸ் பிரிவிற்குட்பட்ட முகாமில் கடமையாற்றும் விசேட அதிரடிப்படையினரால் கிடைத்த தகவலின் பேரில் இந்த சுற்றிவளைப்பு மேற்கொள்ளப்பட்டுள்ளது.

குறித்த வீடு பழையது எனவும், கைது செய்யப்பட்ட சந்தேக நபர் வீட்டின் பராமரிப்பாளர் எனவும்,  தெரியவந்துள்ளது.

வெல்லவாய பொலிஸார் மேலதிக விசாரணைகளை மேற்கொண்டு வருகின்றனர்.