இலங்கையில் பொறுப்பில்லாமல் செயல்படும் ஊடக நிறுவனங்கள்!! அமைச்சர் சாடல்

இலங்கையில் பல ஊடக நிறுவனங்களின் பொறுப்பற்ற தன்மை நாட்டுக்கு பாரிய பிரச்சினையை தோற்றுவித்துள்ளதாக தொழிலாளர் அமைச்சர் மனுஷ நாணயக்கார தெரிவித்துள்ளார்.

சர்வதேச சிறுவர் தொழிலாளர்களுக்கு எதிரான தினத்தை கொண்டாடும் வகையில் இன்று (15) நெலுவ – மண்டல்புர ஆரம்ப பாடசாலையில் நடைபெற்ற வைபவத்தில் கலந்து கொண்டு அமைச்சர் இதனை தெரிவித்தார்.

சிங்கப்பூர் போன்ற நாடுகளில் உள்ள ஊடக நிறுவனங்கள் சுய தணிக்கையுடன் நாட்டின் நலனுக்காக பொறுப்புடன் செயற்படுவதாகவும், இலங்கையில் ஊடக நிறுவனங்கள் பொறுப்புடன் செயற்படாதது பெரும் பிரச்சினையாக மாறியுள்ளதாகவும் அமைச்சர் தெரிவித்தார்.

இலங்கை ஊடக நிறுவனங்களின் சில செய்திகளால் இலங்கைக்கு வரும் சுற்றுலாப் பயணிகளுக்கு இடையூறு ஏற்படுவதாகவும், குறிப்பிட்ட தேசியப் பத்திரிகை ஒன்று குழந்தைத் தொழிலாளர்கள் குறித்து தரவுகளின் அடிப்படையில் இல்லாமல் செய்திகளை வெளியிட்டுள்ளதாகவும் அவர் கூறினார்.

எவ்வாறாயினும், அந்தச் செய்தி பொய்யானது என்றும், இலங்கையில் சிறுவர் தொழிலாளர் தொடர்பில் ஆபத்தான சூழ்நிலை இல்லை என்றும், உலகளவில் இவ்வாறானதொரு நிலை காணப்பட்டாலும், இவ்வாறானதொரு பின்னணி உருவாக்கப்பட்டுள்ளதாக தெரிவிப்பது பொருத்தமற்றது எனவும் அமைச்சர் மேலும் வலியுறுத்தியுள்ளார்.

தொடர்புடைய செய்திகள்:

இலங்கையில் மேலும் குறையும் விமான டிக்கெட் விலை ஊழல் அரசாங்கங்களை பிணையெடுப்பது மாத்திரமே சர்வதேச நாணயநிதியத்தின் நோக்கம் – டில்வின் சில்வா பாடசாலை மாணவர்களை பல்வேறு குழுக்களின் பணயக் கைதிகளாக்குவதற்கு ஒருபோதும் இடமளிக்கப்போவதில்லை என ஜனாதிபதி வலியுறுத்தல் காலநிலை மாற்றத்திற்கான பல்கலைக்கழகத்தை ஜனாதிபதியின் ஆலோசனைக்கமைய உருவாக்க உத்தேசிக்கப்பட்டுள்ளது.