பொருளாதார நெருக்கடியை சமாளிக்க ஜப்பான் கூடுதல் நிதி ஒதுக்கீடு!

ஈரான் மீதான போர்ச் சூழலால் ஏற்பட்டுள்ள பொருளாதார நெருக்கடியைச் சமாளிக்க ஜப்பான் அரசாங்கம் ஒரு புதிய திட்டத்தை வகுத்துள்ளது.

பிரதமர் சானே தகைச்சி தலைமையிலான அமைச்சரவை, சுமார் 19 பில்லியன் டாலர் மதிப்பிலான கூடுதல் வரவுசெலவுத் திட்டத்திற்கு அதிகாரப்பூர்வமாக ஒப்புதல் அளித்துள்ளது.

இந்த நிதி ஒதுக்கீடு முக்கியமாக பெட்ரோல், மின்சாரம் மற்றும் எரிவாயு போன்ற அத்தியாவசியத் தேவைகளின் விலை உயர்வால் பாதிக்கப்பட்டுள்ள பொதுமக்களுக்கு உதவப் பயன்படுத்தப்படும்.

மத்திய கிழக்கில் நிலவும் போர் பதற்றத்தால் உருவாகும் பணவீக்கத்தைக் கட்டுப்படுத்தவும், நாட்டின் பொருளாதார இடர்பாடுகளைக் குறைக்கவும் இந்த அதிரடி நடவடிக்கை எடுக்கப்பட்டுள்ளது.

இதன் மூலம் உலகளாவிய அரசியல் சூழலால் ஜப்பானியக் குடும்பங்களுக்கு ஏற்படும் நிதிச் சுமையைக் குறைக்க அந்நாட்டு அரசு திட்டமிட்டுள்ளது.