அல்-ஜசீரா அலுவலகத்தில் திடீர் சோதனை நடத்திய இஸ்ரேல் பொலிஸார்

நாசரேத் ஊரில் உள்ள அல்-ஜசீரா செய்தி நிறுவனத்தின் அலுவலகத்தில் இஸ்ரேல் பொலிஸார் இன்று (09) சோதனையில் ஈடுபட்டத்துடன் அல்-ஜசீராவுக்கு சொந்தமான கருவிகளையும் பறிமுதல் செய்தனர்.

கத்தாரை மையமாக கொண்ட அல்-ஜசீரா செய்தி நிறுவனத்தின் இஸரேல் அலுவலகங்களை மூடுவதற்கு அமைச்சரவை ஒப்புதல் அளித்த சில நாட்களுக்குப் பிறகு இந்த சோதனை நடைபெற்றுள்ளது.

இஸ்ரேல், அல்-ஜசீரா சேனலின் ஒலிபரப்பையும் முடக்கியுள்ளது. ஞாயிற்றுகிழமை இஸ்ரேல் தொழில்நுட்பதுறை அமைச்சர் இதற்கான ஆணையில் கையெழுத்திட்டார். அதே நாளில் கிழக்கு ஜெருசலேமில் உள்ள அல்-ஜசீரா அலுவலகத்தில் இஸ்ரேல் அரசு சோதனை நடத்தியது.

காஸா போர் தொடர்புடைய நிகழ்வுகளை செய்தியாக்குவதில் பாரபட்சமாக நடந்துகொள்வதாக இஸ்ரேல் பிரதமர் நெதன்யாகு அல்-ஜசீரா மீது குற்றம் சுமத்தினார்.இதனை மறுத்துள்ள அல்-ஜசீரா இந்த தடை சட்டத்திற்கு புறம்பானது எனவும் மனித உரிமைகள் மற்றும் தகவல்கள் பெறும் அடிப்படை உரிமையை மீறும் செயல் எனவும் தெரிவித்தது.

அல்-ஜசீரா தனது பணியாளர்கள் மற்றும் செய்தி நிறுவனத்தின் உரிமையை காக்க இஸ்ரேலின் நடவடிக்கைக்கு எதிராக இயன்ற நடவடிக்கையை எடுக்கப் போவதாக தெரிவித்துள்ளது.

தொடர்புடைய செய்திகள்:

இஸ்ரேல் – ஹமாஸ் போர் நிறுத்தம் குறித்து கத்தார் வெளியிட்டுள்ள அறிவிப்பு! காஸாவின் முக்கிய நகரம் ஒன்றில் மூர்க்கமாகத் தாக்குதல் நடத்தும் இஸ்ரேல் விரிவடைந்து செல்லும் போர்… இஸ்ரேலின் உளவு மையம் மீது ஏவுகணைத் தாக்குல் நடத்திய ஈரான் காசா மீது வான்வழி தாக்குதல் நடத்திய இஸ்ரேல்; 18 ஹமாஸ் பயங்கரவாதிகள் பலி