தற்காப்புக்காகக் கடைசி வரை போராடுவோம் – ஈரான் திட்டவட்டம்
அமெரிக்கா நடத்திய தாக்குதல்கள் இரு நாடுகளுக்கும் இடையே எட்டப்பட்ட புரிந்துணர்வு ஒப்பந்தத்தை அப்பட்டமாக மீறியுள்ளது என ஈரான் வெளிவிவகார அமைச்சர் சுட்டிக்காட்டியுள்ளார்.
இரு நாடுகளுக்கும் இடையிலான சமரசப் பேச்சுவார்த்தைகளில் முக்கிய பங்கு வகித்து வரும் பாகிஸ்தான் ராணுவத் தளபதி ஆசிம் முனீரிடம் பேசிய அவர், நாட்டின் பாதுகாப்பை உறுதி செய்ய ஈரான் முழு தயார் நிலையில் இருப்பதாகவும் கூறியுள்ளார்.
அமெரிக்காவின் தொடர்ச்சியான அச்சுறுத்தல்களுக்கு எதிராகத் தங்கள் நாட்டைத் தற்காத்துக் கொள்ளத் தயங்கப்போவதில்லை என்று அவர் எச்சரிக்கை விடுத்துள்ளார்.
சர்வதேச அமைதிப் பேச்சுவார்த்தைகளுக்கு மத்தியில் ஏற்பட்டுள்ள இந்த மோதல் போக்கு பிராந்தியத்தில் பெரிய பதற்றத்தை உருவாக்கியுள்ளது.
ஈரானின் இந்த உறுதியான நிலைப்பாடு அதன் இறையாண்மையைப் பாதுகாப்பதற்கான ஒரு நடவடிக்கையாகப் பார்க்கப்படுகிறது.
