மொரகஹஹேன இரட்டை கொலையின் போது காரை மாற்றியமைத்த விதம்
கடந்த ஏப்ரல் மாதம் 7ஆம் திகதி மொரகஹஹேன பிரதேசத்தில் இடம்பெற்ற இரட்டைக் கொலைச் சம்பவத்திற்கு சந்தேகநபர்கள் பயன்படுத்திய கார் சப்புகஸ்கந்த பிரதேசத்தில் உள்ள கராஜ் ஒன்றில் இருந்து கண்டுபிடிக்கப்பட்டுள்ளது.
வாகனத்தை வைத்திருந்த மற்றும் காரை வைத்திருந்த நபரே கைது செய்யப்பட்டதாக மொரகஹஹேன பொலிஸார் தெரிவித்தனர்.
சந்தேக நபர் வாகனங்கள் விற்பனை மற்றும் பெயிண்ட் அடிக்கும் கேரேஜ் ஒன்றை நடத்தி வருகிறார்
சந்தேகநபரிடம் நடத்தப்பட்ட விசாரணையின் போது, தற்போது விளக்கமறியலில் உள்ளவரும், வெளிநாட்டில் உள்ள ஒழுங்கமைக்கப்பட்ட குற்றக் கும்பலைச் சேர்ந்த ஹோமாகம ஹந்தயாவின் நெருங்கிய உறவினருமான சஞ்சய் கடந்த ஏப்ரல் மாதம் 7ஆம் திகதி தனக்கு அழைப்பு விடுத்ததாகத் தெரிவித்தார்.
சியாம்பலாப்பே வீதிக்கு அருகில் பாதசாரிகள் செல்லும் பாதையில் நிறுத்தப்பட்டிருந்த வெள்ளி நிற காரை எடுத்து நம்பர் பிளேட்களை வெள்ளை நிறத்திற்கு மாற்றுமாறு பணித்ததாக சந்தேக நபர் தெரிவித்துள்ளார்.
ஹோமாகம ஹந்தயா டுபாய் மாநிலத்தில் இருந்து ஒரு இலட்சம் ரூபாவையும் கடுவலை பிரதேசத்தில் உள்ள வங்கியொன்றில் இருந்து மேலும் 40,000 ரூபாவையும் தனது கணக்கில் செலுத்தியதாக சந்தேக நபர் குறிப்பிட்டுள்ளார்.
பின்னர், காருக்கு வெள்ளை வண்ணம் பூசி, நம்பர் பிளேட்களை மாற்றி, அதே இடத்தில் கொண்டு சென்று நிறுத்தியதாக பிடிபட்ட நபர் பொலிரிடம் கூறியுள்ளார்.
வாகனத்தை கொண்டு வந்து நிறுத்திய விதம் சிசிடிவி காட்சிகளில் பதிவாகியுள்ளது.
மேலதிக விசாரணையில், வெளிநாட்டில் உள்ள ஹோமாகம ஹந்தயா மற்றும் அவருக்கு நெருக்கமான சஞ்சய் ஆகியோரின் ஆலோசனையின் பேரில் அவர்களது உறவினர்கள் பல்வேறு சந்தர்ப்பங்களில் கைது செய்யப்பட்ட போது, இந்த சந்தேகநபர் சட்ட உதவிகளை வழங்க தலையிட்டது தெரியவந்துள்ளது.
கைது செய்யப்பட்ட சந்தேகநபரை ஏப்ரல் 26ஆம் திகதி வரை விளக்கமறியலில் வைக்குமாறு ஹொரணை நீதவான் நீதிமன்றத்தினால் உத்தரவிடப்பட்டுள்ளது.
(Visited 4 times, 1 visits today)
