டெல்லி – மகளுடன் பழக எதிர்ப்பு தெரிவித்த தாய்… சுட்டுக்கொலை செய்த சிறுவன்!

டெல்லியில் மகளுடன் பழக எதிர்ப்பு தெரிவித்ததால் தாயை சிறுவன் சுட்டுக் கொன்ற அதிர்ச்சி சம்பவம் நிகழ்ந்துள்ளது.

வடமேற்கு டெல்லியின் ஜஹாங்கீர்புரி பகுதியில் நேற்று இளம்பெண் ஒருவரை சிறுவன் சுட்டுக் கொன்றான். இந்த சம்பவத்தில் தொடர்புடைய சிறுவன் மற்றும் அவனது இரண்டு நண்பர்கள் தலைமறைவாகி உள்ளனர். அவர்களைப் பிடிக்க பொலிஸார் தனிப்படை அமைத்துள்ளனர்.

இந்த கொடூர சம்பவம் குறித்து பொலிஸார் தரப்பில் கூறுகையில், “சிறுவன் கொல்லப்பட்ட பெண்ணின் மகளுடன் பழகி வந்துள்ளான்.

இதற்கு பெண்ணின் தாய் எதிர்ப்பு தெரிவித்ததால் அவர் மீது ஆத்திரத்தில் இருந்த சிறுவன் அவரை கொல்வதற்கு திட்டம் தீட்டியுள்ளான். இதையடுத்து தனது இரு நண்பர்களிடம் ஆலோசனை கேட்டு, அவர்கள் கூறியதன் பேரில் துப்பாக்கி வாங்கி, இந்த பாதக செயலில் ஈடுபட்டுள்ளான்.

கொலை சம்பவத்துக்கு ஒரு நாள் முன்பு சிறுவன் தனது வாட்ஸ்ஆப் ஸ்டேட்டஸில் கை துப்பாக்கி மற்றும் தோட்டாக்களின் புகைப்படத்தைப் பகிர்ந்துள்ளான். இந்த ஸ்டேட்டஸ் தொடர்பான வீடியோக்கள் சமூக வலைதளங்களில் வெளிவந்துள்ளன.இது தொடர்பாக உரிய பிரிவுகளின் கீழ் வழக்குப்பதிவு செய்யப்பட்டுள்ளது. சிறுவனை கைது செய்ய தீவிர நடவடிக்கை மேற்கொள்ளப்பட்டுள்ளது” என்றனர்.

மகளுடன் பழக எதிர்ப்பு தெரிவித்த தாயை சிறுவன் சுட்டுக்கொன்ற சம்பவம் டெல்லியில் பரபரப்பை ஏற்படுத்தியுள்ளது.

தொடர்புடைய செய்திகள்:

சர்ச்சையை எழுப்பும் சீனாவின் புதிய வரைபடம்: இந்தியா கடும் எதிர்ப்பு திருப்பதி ஸ்ரீ பத்மாவதி அம்மாவரி கோவிலில் கொண்டாடப்பட்ட கார்த்திகை பிரம்மோற்சவம் திருச்சியில் ஆயுதங்களை காட்டி ஓரிணை சேர்க்கைக்கு வற்புறுத்திய ஐவர் கைது தாய் தற்கொலை… ஆத்திரத்தில் தந்தையின் தலையில் கல்லைப் போட்டு கொலை செய்த மகன்!