பிரித்தானியாவில் நெருக்கடிக்கு மத்தியில் அவசரமாக கூடுகிறது கோப்ரா கூட்டம்

போர் பதற்றம் காரணமாக நெருக்கடி தீவிரமடைந்து வரும் நிலையில், பிரதமர் ஸ்டார்மர் நாளை மேலும் ஒரு அவசரகால கோப்ரா (COBRA) கூட்டத்திற்குத் தலைமை தாங்கவுள்ளார்.

மத்திய கிழக்கு பகுதியில் நிலவும் பதற்றத்தைத் தொடர்ந்து, பிரித்தானிய அரசு தன்னுடைய இராஜதந்திர மற்றும் பாதுகாப்பு நடவடிக்கைகளை தீவிரப்படுத்தியுள்ளது.

பாதுகாப்புச் செயலாளர் ஜான் ஹீலி இன்று வளைகுடா பகுதிக்குப் பயணம் மேற்கொண்டு, நட்பு நாடுகளுடன் பாதுகாப்பு ஒத்துழைப்பை வலுப்படுத்தும் நோக்கில் பேச்சுவார்த்தைகளில் ஈடுபட்டுள்ளார்.

குறிப்பாக, பிரித்தானியா வழங்கக்கூடிய தற்காப்பு ஆதரவு குறித்தும் அவர் விவாதிப்பார் என எதிர்பார்க்கப்படுகிறது.

இதேவேளை, வெளியுறவுச் செயலாளர் யெவெட் கூப்பர் இன்று காலை இஸ்ரேலிய வெளியுறவுத் தலைவர் கிடியான் சாருடன் தொலைபேசி மூலம் கலந்துரையாடியுள்ளார்.

இந்த உரையாடலில், பிராந்திய பாதுகாப்பு நிலைமை மற்றும் இருதரப்பு ஒத்துழைப்பு குறித்து கவனம் செலுத்தப்பட்டுள்ளது.