ஆபத்தான நோய்களை ஏற்படுத்தும் பூனை – ஜப்பானிய குடியிருப்பாளர்களுக்கு எச்சரிக்கை
ஜப்பானின் மேற்குப் பகுதியில் உள்ள புகுயாமா நகரவாசிகளுக்கு நச்சு இரசாயனங்கள் அடங்கிய தொட்டியில் விழுந்த பூனையைத் தொடவோ, நெருங்கவோ கூடாது என எச்சரிக்கை விடுக்கப்பட்டுள்ளது.
நச்சு இரசாயனங்கள் கொண்ட ஆலையில் பணிபுரியும் ஒரு தொழிலாளி, கொள்கலனில் இருந்து விலகிச் சென்ற மஞ்சள் கால்தடங்களைக் கண்டறிந்ததை அடுத்து இந்த எச்சரிக்கை வந்தது.
பாதுகாப்பு கேமராக்களை கண்காணித்த பிறகு, பூனை ஓடுவது தெரிந்தது. புகுயாமா பகுதியில் உள்ள அதிகாரிகள், பொதுமக்களை விலங்குகளிடம் இருந்து விலகி இருக்குமாறும், ஏதேனும் காணப்பட்டால் பொலிஸாருக்கு தகவல் தெரிவிக்குமாறும் கேட்டுக்கொண்டுள்ளனர்.
ஆரஞ்சு மற்றும் பழுப்பு நிற பூனை ஹெக்ஸாவலன்ட் குரோமியம், அதிக அமிலத்தன்மை மற்றும் புற்றுநோயை உண்டாக்கும் இரசாயனத்தின் கொள்கலனில் விழுந்ததாக கூறப்படுகிறது.
அசாதாரண தோற்றம் கொண்ட இந்த விலங்கைத் தொடவேண்டாம் என பொதுமக்கள் எச்சரித்திருந்த போதிலும், இந்தச் சம்பவத்தின் காரணமாக மிருகம் உயிரிழந்திருக்கலாம் என சந்தேகிக்கப்படுகிறது.
இதுவரை பூனையை பார்த்ததாக எந்த தகவலும் இல்லை என அதிகாரிகள் தெரிவித்துள்ளனர்.
சம்பந்தப்பட்ட இரசாயனங்கள் அடங்கிய தொட்டி மூடப்பட்டிருந்ததாகவும், ஆனால் அதன் ஒரு பகுதி புரட்டப்பட்டு பூனை உள்ளே நுழைந்ததாகவும் தொழிற்சாலைக்கு சொந்தமான நிறுவனம் தெரிவித்துள்ளது.
பூனைகள் போன்ற சிறிய விலங்குகள் பதுங்கி நுழைவதைத் தடுக்க நடவடிக்கை எடுக்க வேண்டியதன் அவசியத்தை இந்த சம்பவம் எடுத்துக்காட்டுவதாகவும், இது எதிர்பார்க்காத ஒன்று என்றும் நிறுவனத்தின் செய்தித் தொடர்பாளர் தெரிவித்துள்ளார்.
ஹெக்ஸாவலன்ட் குரோமியம் தோல் நோய்த்தொற்றுகள், சுவாச பிரச்சனைகள் மற்றும் குருட்டுத்தன்மையை ஏற்படுத்தும், மேலும் ரசாயனத்துடன் பணிபுரியும் பணியாளர்கள் முகமூடிகள் மற்றும் ரப்பர் கையுறைகளை அணிய வேண்டும்.
(Visited 7 times, 1 visits today)
