ஒடிசாவில் 4 வயது பெண் குழந்தையை 40000 ரூபாய்க்கு விற்ற பீகார் தம்பதி
பீகாரைச் சேர்ந்த ஒரு தம்பதியினர் தங்களது நான்கு வயது மகளை ஒடிசாவின் பிபிலி பகுதியில் குழந்தை இல்லாத தம்பதியருக்கு 40,000 ரூபாய்க்கு விற்றதாக போலீஸார் தெரிவித்தனர்.
போலீசார் குழந்தையை மீட்டு, சிறுமியின் பெற்றோர், அவளை வாங்கிய தம்பதிகள் மற்றும் இரண்டு இடைத்தரகர்கள் என ஆறு பேரை கைது செய்தனர்.
புவனேஸ்வரில் உள்ள தங்கபானி பகுதியைச் சேர்ந்த சர்தக் மொகந்தி என்பவர் தனது வீட்டில் வாடகைக்கு குடியிருந்த பீகார் தம்பதியினர் தங்களது நான்கு வயது மகளை பிபிலி பகுதியில் உள்ள மற்றொரு தம்பதிக்கு விற்றதாக போலீசில் புகார் அளித்தபோது இந்த சம்பவம் வெளிச்சத்துக்கு வந்தது.
40,000க்கு சிறுமி விற்கப்பட்டதை தம்பதியினர் இருவரும் ஒப்புக்கொண்டதாக படகடா காவல் நிலைய அதிகாரி த்ருப்தி ரஞ்சன் நாயக் தெரிவித்தார்.
சிறுமியின் பெற்றோர் தினசரி கூலி வேலை செய்து பிழைப்பு நடத்தி வருகின்றனர்.
