மேற்கு நேபாளத்தில் செங்குத்தாக விழுந்த வேன் : 08 பேர் பலி!

மேற்கு நேபாளத்தில் இன்று (15.11) அதிகாலை ஒரு பயணிகள் வேன் மலைப்பாதையில் இருந்து விலகி விபத்துக்குள்ளானதில் 8 பேர் உயிரிழந்துள்ளதாக இராணுவ அதிகாரிகள் தெரிவித்துள்ளனர்.

தலைநகர் காத்மாண்டுவிற்கு மேற்கே 600 கிலோமீட்டர்கள் (375 மைல்) தொலைவில் உள்ள ஷைலேஷிகர் கிராமத்திற்கு அருகே இந்த விபத்து நேர்ந்துள்ளது.

அந்த வேன், அருகில் உள்ள ஊரில் திருவிழாவுக்கு சென்ற நிலையில் மீண்டும் நேபாளத்திற்கு திரும்பிக் கொண்டிருந்ததாக அதிகாரிகள் குறிப்பிட்டுள்ளனர்.

காயமடைந்த 4 பேரையும் ஹெலிகாப்டர் மூலம் மீட்டு சிகிச்சைக்காக மருத்துவமனைக்கு அனுப்பி வைத்ததாக ராணுவம் தெரிவித்துள்ளது.

விபத்துக்கான காரணம் என்ன என்பது தெளிவாகத் தெரியவில்லை என்பதுடன் விசாரணைகள் முன்னெடுக்கப்பட்டு வருவதாக அறிவிக்கப்பட்டுள்ளது.