பொதுத் தேர்தலில் போட்டியிடப் போவதில்லை – அயர்லாந்தின் முன்னாள் பிரதமர்

அயர்லாந்து குடியரசில் அடுத்த பொதுத் தேர்தலில் போட்டியிடப் போவதில்லை என முன்னாள் பிரதமர் லியோ வரத்கர் அறிவித்துள்ளார்.

மார்ச் மாதம் ஃபைன் கேல் தலைவர் பதவியில் இருந்து விலகிய வரத்கர்,தற்போது தனது முடிவை அறிவித்தார்.

“புதிய விருப்பங்கள் மற்றும் வாய்ப்புகளை ஆராய” வேண்டிய நேரம் வந்துவிட்டது என்றார்.

வரத்கர் 2017 ஆம் ஆண்டில் தனது 38 வயதில் முதன்முதலில் பிரதமர் ஆனபோது அயர்லாந்தின் இளைய அரசாங்கத் தலைவராக இருந்தார்.

அவர் வெளியிட்ட அறிக்கையில், “நான் ஒரு தொழில் அரசியல்வாதியாக என்னைப் பார்த்ததில்லை, மற்ற வழிகளில் சமூகத்திற்கு எனது பங்களிப்பை எவ்வாறு செய்ய முடியும் என்பதைப் பார்க்க ஆர்வமாக உள்ளேன்.
என தெரிவித்தார்.