ஜோ பைடன் வெளியிட்ட கருத்து ; கண்டனம் தெரிவித்துள்ள ஹமாஸ் அமைப்பினர்

காசாவில் இஸ்ரேல் தாக்குதலை தொடங்கி 6 மாதங்களை கடந்து விட்டது. இஸ்ரேல் படையினர் நடத்தி வரும் மும்முனை தாக்குதலுக்கு பலியானவர்கள் எண்ணிக்கை 35 ஆயிரத்தை தாண்டி விட்டது.

தெற்கு காசாவில் உள்ள ரஃபா நகரில் உயிருக்கு பயந்து லட்சக்கணக்கான மக்கள் தங்கி உள்ளனர். ஹமாஸின் கட்டுப்பாட்டில் உள்ள கடைசி நகரமான ரஃபாவில் இறுதி கட்ட தாக்குதல் நடத்த இஸ்ரேல் முடிவு செய்துள்ளது. இங்கு தாக்குதல் நடத்தினால் ஏராளமானவர்கள் உயிருக்கு ஆபத்து ஏற்படும் என்பதால் போரை நிறுத்துவதற்கான முயற்சிகள் அனைத்தும் எடுக்கப்பட்டு வருகிறது.

எகிப்து, கத்தார் உள்ளிட்ட நாடுகள் இரு தரப்பிலும் சமரச பேச்சுவார்த்தை நடத்தி வருகிறது. ரபாவில் தாக்குதல் நடத்த இஸ்ரேலுக்கு ஆதரவாக இருந்து வரும் இதற்கு அமெரிக்காவும் எதிர்ப்பு தெரிவித்துள்ளது. இதையும் மீறி கடந்த சில நாட்களுக்கு முன்பு இஸ்ரேல் படையினர் நடத்திய தாக்குதலுக்கு 19 பேர் பலியாகினர். இதனால் பதற்றமாக சூழ்நிலை நிலவி வருகிறது.

ஹமாஸ் அமைப்பினர் பிடியில் இன்னும் 100க்கும் மேற்பட்டவர்கள் பிணைக் கதிகளாக உள்ளனர். இவர்களை மீட்கும் வரை போரை நிறுத்த மாட்டோம் என இஸ்ரேல் அறிவித்துள்ளது. இந்த நிலையில் ஹமாஸ் அமைப்பினரால் பிணைக்கைதிகளாக பிடித்து செல்லப்பட்டவர்களை விடுவித்தால் காசாவில் நாளையேபோர் நிறுத்தம் சாத்தியமாகும் என அமெரிக்க அதிபர் ஜோ பைடன் கருத்து தெரிவித்தார்.

ஜோ பைடனின் இந்த கருத்துக்கு ஹமாஸ் அமைப்பினர் கடும் கண்டனம் தெரிவித்துள்ளனர். இது தொடர்பாக அந்த அமைப்பு சார்பில் வெளியிடப்பட்ட அறிக்கையில் அமெரிக்க அதிபரின் இந்த நிலைப்பாட்டை நாங்கள் கண்டிக்கிறோம். இது பல சுற்றுகளாக நடந்து வரும் பேச்சு வார்த்தையில் ஒரு பின்னடைவாக இதை நாங்கள் கருதுகிறோம் என்று அந்த அறிக்கையில் கூறப்பட்டுள்ளது.

தொடர்புடைய செய்திகள்:

19 ஆண்டுகளுக்குப் பின் ஏற்றப்பட்ட சீன கொடி பிரதமரை பதவி விலக கோரி எச்சரிக்கை விடுத்த ஹெய்ட்டி கும்பல் தலைவர் மீண்டும் அமெரிக்கா திரும்பினார் ஜேனட் யெல்லன்! ஆபிரிக்கா : ஜாம்பியாவில் சுரங்கம் இடிந்து விழுந்து விபத்து – 8 தொழிலாளர்கள் பலி! ரஷ்யா, உக்ரைன் மீது பெரும் வான்வழித் தாக்குதல்! விமானத்தில் கோளாறு – 4 மணிநேரம் வானில் தவித்த பிரேசில் ஜனாதிபதி