ரோட்டர்டாமில் ஒருவர் கத்தியால் தாக்கியதில் சுவிஸ் பிரஜை ஒருவர் காயமடைந்துள்ளதாக நெதர்லாந்து பொலிசார் தெரிவித்துள்ளனர். கைது செய்யப்பட்ட சந்தேக நபர் “பயங்கரவாத நோக்கம்” கொண்டிருந்ததாக நம்பப்படுகிறது என்று நெதர்லாந்து அரசு வழக்கறிஞர் கூறினார். “அமெர்ஸ்ஃபோர்ட்டைச் சேர்ந்த 22 வயதான இளைஞரை பயங்கரவாத நோக்கத்துடன் கொலை மற்றும் கொலை முயற்சி செய்ததாக பொது வழக்குத் தற்போது சந்தேகிக்கப்படுகிறது” என்று அது ஒரு அறிக்கையில் தெரிவித்துள்ளது. தாக்குதலைத் தொடர்ந்து சந்தேக நபர் கைது செய்யப்பட்டு பலத்த காயங்களுடன் வைத்தியசாலையில் அனுமதிக்கப்பட்டுள்ளார்.

பிரெஞ்சு அதிபர் இமானுவல் மெக்ரோனின் பணியாளர் தலைமை அதிகாரி பிரான்சில் புதிய அரசாங்கம் அமைக்கப்பட்டுள்ளதாக சனிக்கிழமை தெரிவித்தார்.இந்த அறிவிப்பின் மூலம் கிட்டத்தட்ட மூன்று மாதங்களாக அந்நாட்டில் நீடித்துவந்த அரசியல் நெருக்கடி ஓய்ந்துள்ளது. இம்முறை பிரான்ஸ் சட்டமன்ற தேர்தலில் எந்த ஒரு கட்சிக்கும் பெரும்பான்மை கிடைக்கவில்லை. அதனால் தொங்கு நாடாளுமன்றம் உருவானது. இந்நிலையில் அதிபர் மெக்ரோன் தமது கட்சி சாராத 73 வயது மைக்கல் பார்னியரை நாட்டின் பிரதமராக அறிவித்தார்.அதையடுத்து தற்போது பிரான்சின் அமைச்சரவை குறித்த தகவல்கள் வெளியாகியுள்ளன. […]