இலங்கையில் கோர விபத்தில் சிக்கி 2 இளைஞர்கள் பலி
ஹொரவ்பொதான – வவுனியா ஏ29 வீதியில் நேற்று இரவு இடம்பெற்ற விபத்தில் இரு இளைஞர்கள் உயிரிழந்துள்ளனர்.
ஹொரவ்பொதான– வவுனியா வீதியின் கிவுலகடவல பகுதியில் கார் ஒன்று இரண்டு மாடுகளை மோதி பின்னர் கவிழ்ந்ததில் இந்த விபத்து இடம்பெற்றுள்ளதாக தெரிவிக்கப்படுகின்றது.
நேற்றிரவு இடம்பெற்ற விபத்தில் காரில் பயணித்த 22 வயதுடைய இளைஞன் ஸ்தலத்திலேயே உயிரிழந்துள்ளதுடன், மேலும் 19 வயதுடைய இளைஞன் பலத்த காயமடைந்து ஹொரவ்பொதான மருத்துவமனையில் அனுமதிக்கப்பட்ட பின்னர் உயிரிழந்துள்ளார்.
மேலும் ஒருவர் படுகாயமடைந்து மருத்துவமனையில் சிகிச்சை பெற்று வருவதாக கூறப்படுகிறது.
விபத்தில் உயிரிழந்த 22 வயதுடைய இளைஞன் அளுத்வத்தை மரதன்கடவல பிரதேசத்தை வசிப்பிடமாக கொண்ட இராணுவ சிப்பாய் ஆவார்.
உயிரிழந்த 19 வயதுடைய இளைஞன், ஹொரவ்பொதான, நிகவெவ பகுதியைச் சேர்ந்தவர் என தெரிவிக்கப்படுகிறது.
(Visited 6 times, 1 visits today)
