‘எக்ஸ்-பிரஸ் பேர்ல்’ கப்பல் அனர்த்தம் : உயர் நீதிமன்றம் பிறப்பித்துள்ள உத்தரவு

‘எக்ஸ்-பிரஸ் பேர்ல்’ கப்பல் அனர்த்தத்தினால் பாதிக்கப்பட்ட மீனவர் குடும்பங்களுக்கு இதுவரை வழங்கப்பட்ட நட்டஈடு தொடர்பான அறிக்கையை சமர்ப்பிக்குமாறு உயர் நீதிமன்றம் இன்று (05) சட்டமா அதிபருக்கு உத்தரவிட்டுள்ளது.

இது தொடர்பான மனு நீதியரசர்கள் முர்து பெர்னாண்டோ, யசந்த கோதாகொட, ஷிரான் குணரத்ன, அச்சல வெங்கப்புலி மற்றும் பிரியந்த பெர்னாண்டோ ஆகிய ஐவரடங்கிய உச்ச நீதிமன்ற நீதிபதிகள் குழாம் முன்னிலையில் விசாரணைக்கு எடுத்துக்கொள்ளப்பட்டது.

இச்சம்பவத்தால் பாதிக்கப்பட்ட மீனவர்களுக்கு இதுவரை நஷ்டஈடாக எவ்வளவு பணம் வழங்கப்பட்டுள்ளது என சட்டமா அதிபர் சார்பில் ஆஜரான மேலதிக சொலிசிட்டர் ஜெனரல் நெரின் புள்ளேவிடம் ஐவரடங்கிய நீதிபதிகள் குழாமின் தலைவர் நீதியரசர் முர்து பெர்னாண்டோ கேள்வி எழுப்பினார்.

இதற்கு பதிலளித்த மேலதிக சொலிசிட்டர் ஜெனரல், இந்த விடயத்தை ஆராயாமல் உரிய கேள்விக்கு பதிலளிக்க முடியாது என குறிப்பிட்டார்.

இதன்படி, கடல் அனர்த்தத்தினால் பாதிக்கப்பட்ட மீனவர்களுக்கு இதுவரை வழங்கப்பட்ட நட்டஈடு தொடர்பான அறிக்கையை சமர்ப்பிக்குமாறு சட்டமா அதிபருக்கு உச்ச நீதிமன்றம் உத்தரவிட்டுள்ளது.

தொடர்புடைய செய்திகள்:

கச்சத்தீவு ஒப்பந்தத்தை இரத்து செய்ய, நீதிமன்றத்திற்கு அதிகாரம் இல்லை இலங்கையின் உள்விகாரங்களில் மேற்கத்தேய நாடுகளின் தலையீடு – ரஷ்யா கண்டனம்! ஜனாதிபதி சட்டத்தரணிகளை தெரிவு செய்வதற்கான விண்ணப்பங்கள் கோரல்! கொழும்பில் அத்துமீறி கைப்பற்றப்பட்ட காணி!