உத்தரப்பிரதேச மருத்துவமனை தீ விபத்து – இறப்பு எண்ணிக்கை 17ஆக உயர்வு

உத்தரப்பிரதேசத்தில் உள்ள மகாராணி லக்ஷ்மி பாய் மருத்துவக் கல்லூரியில் ஏற்பட்ட தீ விபத்தில் இருந்து மீட்கப்பட்ட மேலும் இரண்டு பச்சிளம் குழந்தைகள் உயிரிழந்துள்ளன.

இதன் மூலம் தீ விபத்தில் உயிரிழந்தோரின் மொத்த எண்ணிக்கை 17 ஆக உயர்ந்துள்ளது என்று மூத்த அதிகாரி ஒருவர் தெரிவித்தார்.

நவம்பர் 15 ஆம் தேதி இரவு மருத்துவக் கல்லூரி மருத்துவமனையில் பிறந்த குழந்தைகளின் தீவிர சிகிச்சைப் பிரிவில் ஏற்பட்ட பயங்கர தீ விபத்தில் இருந்து 39 பிறந்த குழந்தைகள் மீட்கப்பட்டனர்.

மீட்கப்பட்ட 39 குழந்தைகளில் மேலும் இருவர் தற்போது உயிரிழந்ததாக மருத்துவக் கல்லூரியின் முதல்வர் டாக்டர் நரேந்திர சிங் செங்கர் தெரிவித்தார்.

இரண்டு உடல்களின் பிரேதப் பரிசோதனை செய்யப்பட்டது மற்றும் உடல்கள் குடும்பத்தினரிடம் ஒப்படைக்கப்பட்டுள்ளதாக டாக்டர் செங்கார் தெரிவித்தார்.