ஐரோப்பாவின் ஷெங்கன் பகுதியில் இணைத்துக்கொள்ளப்பட்ட இரு முக்கிய நாடுகள்!

ருமேனியாவும், பல்கேரியாவும் ஷெங்கன் பகுதி என அழைக்கப்படும் பகுதியில் ஓரளவு இணைந்திருப்பதாக சர்வதேச ஊடகங்கள் செய்தி வெளியிட்டுள்ளன.

பல கட்ட பேச்சுவார்த்தைகளை தொடர்ந்து அவை இணைந்துள்ளதாக தெரிவிக்கப்படுகிறது.

இது தொடர்பில் கருத்து வெளியிட்டுள்ள ஐரோப்பிய ஒன்றிய  தலைவர் Ursula von der Leyen “இரு நாடுகளுக்கும் மிகப்பெரிய வெற்றி” என்றும் உலகின் மிகப்பெரிய இலவச பயண மண்டலத்திற்கான  வரலாற்று தருணம்” எனவும் கூறி பாராட்டியுள்ளார்.

ஷெங்கன் பகுதி 1985 இல் நிறுவப்பட்டது. பல்கேரியா மற்றும் ருமேனியாவின் சேர்க்கைக்கு முன், சுவிட்சர்லாந்து, நோர்வே, ஐஸ்லாந்து மற்றும் லிச்சென்ஸ்டைன் ஆகியவற்றுடன் 27 ஐரோப்பிய ஒன்றிய உறுப்பு நாடுகளில் 23  நாடுகளை  உள்ளடக்கியுள்ளது.

2022 ஆம் ஆண்டின் இறுதியில் ருமேனியா மற்றும் பல்கேரியாவை ஷெங்கன் மண்டலத்தில் அனுமதிப்பதை ஆஸ்திரியா வீட்டோ செய்தது.  ஆனால் குரோஷியாவை முழுமையாக அணுக அனுமதித்தது.

இதனையடுத்து இது தொடர்பில் பலகட்ட பேச்சுவார்த்தைகள் முன்னெடுக்கப்பட்டிருந்தமை குறிப்பிடத்தக்கது.

தொடர்புடைய செய்திகள்:

கழிவறை கிண்ணங்களை கூட விட்டு வைக்காத ரஷ்யப்படை; உக்ரைன் பெண் மந்திரி குற்றச்சாட்டு முதலிடத்தை பிடித்த சிங்கப்பூர் மாணவர்கள்-இங்கிலாந்தின் நிலவரம்-முழு தகவல் உள்ளே! அகதிகளின் சட்டவிரோதக் குடியேற்றத்தைக் கட்டுப்படுத்த பிரான்ஸ் எடுத்துள்ள நடவடிக்கை ரஷ்யாவுடன் தொடர்புடையதாக சந்தேகிக்கப்படும் உக்ரேனிய நாடாளுமன்ற உறுப்பினர் கைது