ட்ரம்ப் மீது ஈரான் ஜெனரல் கடும் குற்றச்சாட்டு – போர் நிறுத்தம் குறித்து புதிய சர்ச்சை

ஈரானின் மூத்த இராணுவத் தளபதி ஒருவர், அமெரிக்க ஜனாதிபதி டொனால்ட் ட்ரம்ப் பொய் கூறுகிறார் என்றும், போர் நிறுத்தத்திற்காக அவர் தீவிரமாகக் காத்திருக்கிறார் என்றும் குற்றம் சுமத்தியுள்ளார்.

ஈரானின் புரட்சிகரக் காவலர் படையுடன் (IRGC) தொடர்புடைய ஃபார்ஸ் செய்தி நிறுவனம் வெளியிட்ட தகவலின்படி,
மேஜர் ஜெனரல் அப்துல்லாஹி இந்த கருத்துகளை தெரிவித்துள்ளார்.

அவர், ஈரான் படைகள் இஸ்ரேலும் அமெரிக்காவும் சோர்வடையும் வரை அழுத்தம் கொடுத்ததாகவும்,
அதனால் அவர்கள் போர் நிறுத்தத்தை கோர வேண்டிய நிலை ஏற்பட்டதாகவும் கூறியுள்ளார்.

மேலும், ஹோர்முஸ் நீரிணை தொடர்பாக தவறான தகவல்கள் பரப்பப்படுவதை ஈரான் படைகள்
அனுமதிக்காது என்றும் அவர் குறிப்பிட்டுள்ளார்.

இதனிடையே ஈரான் குழு பாகிஸ்தானில் நடைபெறவுள்ள அமைதிப் பேச்சுவார்த்தைக்கு செல்லுமா என்பது இன்னும் தெளிவாகவில்லை.

அதேவேளை, ஈரானில் அரசியல் ரீதியாகவும் உள்நாட்டு பதற்றம் அதிகரித்து வருவதாக தகவல்கள் தெரிவிக்கின்றன.