உக்ரைனுடனான உளவுத்துறை பகிர்வையும் அமெரிக்கா நிறுத்தியது

இராணுவ உதவியை நிறுத்துவதோடு மட்டுமல்லாமல், உக்ரைனுடனான உளவுத்துறை பகிர்வையும் அமெரிக்கா தற்காலிகமாக நிறுத்தியுள்ளது.

அமெரிக்க அதிபர் டொனால்ட் டிரம்ப், உக்ரைன் அதிபர் ஜெலென்ஸ்கியுடன்  நடந்த சந்திப்பின் போது மோதிக்கொண்டதை அடுத்து, இந்தப் புதிய நடவடிக்கை எடுக்கப்பட்டுள்ளது.

இது ரஷ்யாவிற்குள் நீண்ட தூர ட்ரோன் தாக்குதல்களை திறம்பட நடத்தும் உக்ரைனின் திறனைத் தடுக்கும் என்று ராய்ட்டர்ஸ் செய்தி நிறுவனம் தெரிவித்துள்ளது.

ரஷ்யாவின் மூலோபாய குண்டுவீச்சு விமானங்கள் மற்றும் பாலிஸ்டிக் ஏவுகணை ஏவுதல்களின் நகர்வுகள் பற்றிய தகவல்கள் இல்லாதது உக்ரைன் மீது அழுத்தத்தை ஏற்படுத்தும்.

இருப்பினும், அமெரிக்க அதிகாரிகளை மேற்கோள் காட்டி செய்தி நிறுவனங்கள், உளவுத்துறை பகிர்வு ஓரளவு மட்டுமே குறைக்கப்பட்டுள்ளதாகவும், மேலும் விவரங்களை வழங்க முடியாது என்றும் செய்தி வெளியிட்டன.

அமைதிப் பேச்சுவார்த்தைகள் முன்னேறினால், இராணுவ உதவி மற்றும் தகவல் உள்ளிட்ட இரண்டு கட்டுப்பாடுகளும் நீக்கப்படலாம் என்றும் வெள்ளை மாளிகை அதிகாரிகள் சுட்டிக்காட்டினர்.