அமெரிக்காவுடன் பேச்சு நடத்தும் எண்ணம் இல்லை: ஈரான்
ஈரானிய வெளிவிவகார அமைச்சின் செய்தித் தொடர்பாளர் இஸ்மாயில் பாகேய், அமெரிக்காவுடன் தற்போது பேச்சுவார்த்தை நடத்தும் திட்டம் ஏதுமில்லை என்பதைத் தெளிவுபடுத்தியுள்ளார்.
அமெரிக்கா தனது சர்வதேச வாக்குறுதிகளைச் சரியாக நிறைவேற்றினால் மட்டுமே, ஈரான் தனது கடமைகளைச் செய்யும் என்று அவர் வலியுறுத்திக் கூறியுள்ளார்.
அமெரிக்கா ஏற்கனவே தற்காலிக ஒப்பந்தத்தின் விதிகளை மீறியதால், அதற்குப் பதிலடியாக ஈரானும் தனது கடப்பாடுகளைக் கைவிட்டுள்ளதாக அவர் சுட்டிக்காட்டினார்.
தற்போது ஈரான் தனது நாட்டின் பாதுகாப்பிற்கு மட்டுமே முன்னுரிமை அளிப்பதாகவும், மற்ற நாடுகளுடன் உறவை மேம்படுத்த நிபந்தனையற்ற ஒத்துழைப்பு அவசியம் என்றும் அவர் குறிப்பிட்டுள்ளார்.
அமெரிக்காவின் செயல்பாடுகளைப் பொறுத்தே ஈரானின் அடுத்தகட்ட நகர்வுகள் அமையும் என்பதை அவரது கருத்து வெளிப்படுத்துகின்றது.
