T20 உலகக் கிண்ணம் – இலங்கை அணியின் உத்தியோகபூர்வ அனுசரணையாளரும் இந்திய நிறுவனம்

இருபதுக்கு 20 உலகக் கிண்ணத் தொடரில் இலங்கை கிரிக்கட் அணியின் பிரதான உத்தியோகபூர்வ அனுசரணையாளராக இந்திய பால் உற்பத்தி நிறுவனமான அமுல் செயற்படும் என இலங்கை கிரிக்கெட் அறிவித்துள்ளது.

2023 ஒரு நாள் கிரிக்கெட் உலகக் கோப்பையில், இலங்கை கிரிக்கெட் அணியின் அனுசரணையாளராக அமுல் நிறுவனம் செயல்பட்டது.

ஐசிசி ஆடவர் டி20 கிரிக்கெட் உலகக் கோப்பை தொடரில் 2024 ஜூன் 3 ஆம் திககி தென்னாபிரிக்காவுக்கு எதிராக இலங்கை அணி முதல் போட்டியில் விளையாடவுள்ளது.

இந்தப் போட்டி நியூயார்க்கில்  இடம்பெறவுள்ளது.  உலகக் கோப்பை 2024 ஜூன் 01 முதல் 29 வரை மேற்கிந்திய தீவுகள் மற்றும் அமெரிக்காவில் நடைபெறும்.

“அமுல் நிறுவனம், ஸ்ரீலங்கா கிரிக்கட் உடனான பங்காளித்துவமானது ஒரு சிறந்த நகர்வாகும்.

சர்வதேச விளையாட்டு வர்த்தக நாமத்துடன் இணைந்திருப்பது நிச்சயமாக சந்தை வளர்ச்சியைப் பெறுவதற்கும், சர்வதேச பார்வையாளர்கள் மத்தியில் அதன் வர்த்தக முத்திரைத் தெரிவுநிலையை மேலும் அதிகரிப்பதற்கும் நிச்சயம் உதவும்” என கிரிக்கெட்டின் பிரதம நிறைவேற்று அதிகாரி ஆஷ்லி டி சில்வா தெரிவித்தார்.

தொடர்புடைய செய்திகள்:

தேசிய ரீதியில் சாதனை படைத்த கிளிநொச்சி சிவநகர் அரசினர் தமிழ் கலவன் பாடசாலை மாணவிகள் இந்தியன் ஆயில் நிறுவனத்தின் உரிமம் மேலும் 20 ஆண்டுகளுக்கு நீட்டிப்பு இஸ்ரேலில் விவசாய வேலை வாய்ப்பு பெற்ற இளைஞர்களுக்கு அரசிடம் இருந்து நிலம் ஊனமுற்றோர், முதியோர் மற்றும் சிறுநீரக கொடுப்பனவுகள் குறித்து முக்கிய முடிவு