திருடப்பட்ட சொத்துக்களை மீட்டெடுக்க வேண்டும்!!!! சந்திரிகா குமாரதுங்க

கடனை அடைப்பதற்காக திருடப்பட்ட சொத்துக்களை மீட்டு பொருளாதாரத்தை மீட்டெடுக்க நடவடிக்கை எடுக்க வேண்டும் என முன்னாள் ஜனாதிபதி சந்திரிகா குமாரதுங்க தெரிவித்துள்ளார்.

நாட்டின் பொருளாதார நெருக்கடி தொடர்பாக உச்சநீதிமன்றம் அளித்த தீர்ப்பின் அடிப்படையில் அவர் இவ்வாறு தெரிவித்துள்ளார்.

இலங்கையின் பொருளாதாரத்தை திவாலாக்குவதற்கு யார் பொறுப்பு என்ற உச்ச நீதிமன்றத்தின் தீர்ப்பு அரிதான மற்றும் சிறந்த முடிவு என சமூக வலைத்தளங்களில் வெளியிடப்பட்டுள்ள காணொளியில் அவர் குறிப்பிட்டுள்ளார்.

இந்த மனுவில் பிரதிவாதிகளுக்கான தண்டனையை மனுதாரர் கோராததால், தீர்ப்பில் குறிப்பிடப்பட்டுள்ள தரப்பினரை உச்சநீதிமன்றம் தண்டிக்கவில்லை என்று அவர் கூறுகிறார்.

பொறுப்பான நபர்களுக்கு எதிராக நீதிமன்றத்திற்குச் சென்று தண்டனை மற்றும் நட்டஈட்டை பெற்றுக்கொள்ள முடியும் என சந்திரிகா குமாரதுங்க தெரிவித்தார்.