இன்று இந்தியாவிற்கு வருகை தரவுள்ள பிரான்ஸ் ஜனாதிபதி

டெல்லியில் நாளை குடியரசு தின விழா கோலாகலமாக நடைபெற உள்ளது.

குடியரசு தின விழாவை முன்னிட்டு டெல்லியில் பிரம்மாண்ட அணிவகுப்பு நடத்தப்படும்.

ஒவ்வொரு ஆண்டும் குடியரசு தின விழாவில் வெளிநாட்டு தலைவர்கள் சிறப்பு விருந்தினராக கலந்து கொள்வது வழக்கம். அந்த வகையில் இந்த ஆண்டு பிரான்ஸ் அதிபர் மேக்ரான் சிறப்பு விருந்தினராக பங்கேற்கிறார்.

இதற்காக அவர் 2 நாள் பயணமாக இன்று இந்தியா வருகிறார். விமானம் மூலம் இன்று மதியம் ராஜஸ்தான் தலைநகர் ஜெய்ப்பூருக்கு வரும் மேக்ரான், அங்குள்ள நட்சத்திர ஓட்டலில் பிரதமர் மோடியை சந்திக்கிறார். முன்னதாக அவர் மோடியுடன் சாலை பேரணியிலும் பங்கேற்கிறார்.

இது தவிர ஜெய்ப்பூரில் உள்ள ஆம்பர் கோட்டை, ஜந்தர் மந்தர் மற்றும் ஹாவா மகால் ஆகிய இடங்களுக்கு மேக்ரான் செல்வார் எனவும் தெரிவிக்கப்பட்டுள்ளது.

பின்னர் இரவு 8.50 மணியளவில் டெல்லிக்கு புறப்பட்டு செல்லும் மேக்ரான் நாளை டெல்லி கடைமை பாதையில் நடைபெறும் குடியரசு தின விழாவில் பங்கேற்கிறார்

தொடர்புடைய செய்திகள்:

மான்செஸ்டர் யுனைடெட் அணிக்கான இறுதி முயற்சியை சமர்ப்பித்த கத்தாரின் ஷேக் ஜாசிம் உலகையே பேசவைத்துள்ள டைட்டன் நீர்மூழ்கிக் கப்பலின் பாதுகாப்பு உலகம் முழுவதும் ஆண் மலட்டுத்தன்மை பிரச்சினை அதிகரிப்பு பற்றி எரியும் காசா – போரால் பிளவுப்பட்டுள்ள மெக்டொனால்டு