புறக்கோட்டையில் ஹாலந்து அருங்காட்சியகத்தின் மேற்கூரையின் ஒரு பகுதி இடிந்து விழுந்தது
புறக்கோட்டை – குமார தெருவில் உள்ள ஹாலந்து அருங்காட்சியகத்தின் மேற்கூரையின் ஒரு பகுதி இடிந்து விழுந்துள்ளது.
இந்த அருங்காட்சியகம் இந்த நாட்களில் புதுப்பிக்கப்பட்டு வருவதாக அதன் பேச்சாளர் ஒருவர் தெரிவித்தார்.
இதன் காரணமாக ஹாலந்து அருங்காட்சியகம் தற்காலிகமாக மூடப்பட்டுள்ளது.
ஹாலந்து அருங்காட்சியகம் கி.பி 17 ஆம் நூற்றாண்டைச் சேர்ந்த இரண்டு மாடி ஹாலந்து கட்டிடத்தில் நிறுவப்பட்டுள்ளதாக தேசிய அருங்காட்சியகத் துறை தெரிவித்துள்ளது
டச்சு ஆளுநரான தாமஸ் வான்ரி என்பவரால் கட்டப்பட்ட இந்த கட்டிடம் 1977 ஆம் ஆண்டு அருங்காட்சியகமாக நிறுவப்பட்டது.
இந்நாட்டின் கரையோரப் பகுதிகளை டச்சுக்காரர்கள் ஆட்சி செய்த காலம் தொடர்பான சுமார் 3,000 கலைப்பொருட்கள் இந்த அருங்காட்சியகத்தில் காட்சிக்கு வைக்கப்பட்டுள்ளதாக தேசிய அருங்காட்சியகத் திணைக்களம் மேலும் தெரிவித்துள்ளது.
(Visited 3 times, 1 visits today)
