ஜனாதிபதி தேர்தலை ஒத்திவைக்க முயற்சி : கிரியெல்ல குற்றச்சாட்டு

ஜனாதிபதி தேர்தலை பிற்போட முயற்சிப்பதாக பாராளுமன்ற உறுப்பினர் கிரியெல்ல தெரிவித்துள்ளார்

ஜனாதிபதி தேர்தலை ஒத்திவைக்க முயற்சிகள் மேற்கொள்ளப்பட்டு வருவதாக பிரதான எதிர்க்கட்சியான சமகி ஜன பலவேகய (SJB) குற்றம் சுமத்தியுள்ளது.

இன்று பாராளுமன்றத்தில் உரையாற்றிய சமகி ஜன பலவேகய பாராளுமன்ற உறுப்பினர் லக்ஷ்மன் கிரியெல்ல, பாராளுமன்றத்தில் ஜனாதிபதியின் அரசாங்க கொள்கை அறிக்கையில் ஜனாதிபதி தேர்தல் பற்றி குறிப்பிடப்படவில்லை என தெரிவித்துள்ளார்.

நிறைவேற்று அதிகாரம் கொண்ட ஜனாதிபதி முறைமையை நீக்குவதற்கு முன்மொழிய திட்டமிடப்பட்டுள்ளதாகவும், இதனால் ஜனாதிபதி தேர்தலை நடத்துவதில் தாமதம் ஏற்படும் எனவும் அவர் மேலும் தெரிவித்துள்ளார்.

நிறைவேற்று அதிகாரம் கொண்ட ஜனாதிபதி முறைமையை ஒழிக்க வேண்டும் என்று அவர்கள் முன்வைக்கும் போது புதிய அரசியலமைப்பை உருவாக்க வேண்டும் என்று அரசாங்கம் கூறுகிறது. புதிய அரசியலமைப்பை உருவாக்க குறைந்தது ஒரு வருடமாவது தேவை என்று அவர்கள் கூறுவார்கள்” என்று எம்.பி கூறினார்.

இதன் மூலம் ஜனாதிபதி தேர்தலை மேலும் ஒரு வருடத்திற்கு ஒத்திவைக்க முயற்சிகள் மேற்கொள்ளப்பட்டு வருவதாக பாராளுமன்ற உறுப்பினர் கிரியெல்ல மேலும் தெரிவித்துள்ளார்.