யாழ்ப்பாணம் – கொழும்பு புகையிரத சேவை: வெளியான அறிவிப்பு

புகையிரத திணைக்களம் கொழும்பு கோட்டைக்கும் காங்கேசன்துறைக்கும் இடையில் இன்று (2) முதல் நகரங்களுக்கு இடையிலான புகையிரத சேவையை ஆரம்பித்துள்ளது.

ஒவ்வொரு சனி மற்றும் ஞாயிற்றுக்கிழமைகளிலும் இந்த சேவை இடம்பெறும் என ரயில்வே பிரதி பொது முகாமையாளர் என்.ஜே.இடிபோலகே தெரிவித்துள்ளார்.

காலை 5:30 மணிக்கு கொழும்பு கோட்டையில் இருந்து புறப்படும் ரயில் 11:38 மணிக்கு காங்கேசன்துறையை வந்தடையும்,

பின்னர் காங்கேசன்துறையில் இருந்து மதியம் 12:30 மணிக்கு புறப்பட்டு, அதே நாளில் இரவு 7:19 மணிக்கு கொழும்பு கோட்டையை சென்றடையும்.

பத்து முதல் வகுப்பு பெட்டிகளைக் கொண்ட இந்த நகரங்களுக்கு இடையேயான தொடருந்தில் ஒரு பயணத்திற்கான டிக்கெட் கட்டணம் 3,200 ரூபா என தொடருந்து திணைக்களம் தெரிவித்துள்ளது.