பரபரப்புக்கு மத்தியில் இஸ்ரேல் நாடாளுமன்றம் கலைப்பு

இஸ்ரேல் பிரதமர் பெஞ்சமின் நெதன்யாகுவின் ஆளும் கூட்டணி தொடர்ச்சியாகப் பல முக்கிய சட்டமூலங்கள் நிறைவேற்றப்பட்டதைத் தொடர்ந்து, வெள்ளிக்கிழமை அதிகாலை அந்நாட்டு நாடாளுமன்றமான ‘கினெஸட்’ (Knesset) கலைக்கப்பட்டது.

வெள்ளிக்கிழமை முதல் கோடைகால விடுமுறைக்காக முடங்குவதாக இருந்த கினெஸட் நாடாளுமன்றம், திட்டமிட்டபடி அக்டோபர் 27 ஆம் திகதி நடைபெறவுள்ள பொதுத்தேர்தலுக்கு முன்னதாக மீண்டும் கூட்டப்பட மாட்டாது என அறிவிக்கப்பட்டுள்ளது.

இஸ்ரேலில் அக்டோபர் 7 தாக்குதல் நடத்தப்பட்டு, கிட்டத்தட்ட மூன்று ஆண்டுகளாகப் போர் நீடித்து வரும் சூழலில், அடுத்த தேர்தலில் தனது அதிகாரத்தைத் தக்கவைத்துக்கொள்ள நெதன்யாகு கடுமையாகப் போராடி வரும் நிலையில் இந்த நாடாளுமன்றக் கலைப்பு நிகழ்ந்துள்ளது.

இதற்கிடையில், முன்னாள் பிரதமர் Naftali Bennett மற்றும் மக்கள் ஆதரவு பெற்ற முன்னாள் இராணுவத் தளபதி தலைமையிலான எதிர்க்கட்சிகளுக்கு மக்கள் மத்தியில் பெரும் ஆதரவு அலை நிலவுவதை இஸ்ரேலியக் கருத்துக்கணிப்புகள் காட்டுகின்றன.

நாடாளுமன்றக் கலைப்பை உத்தியோகபூர்வமாக அறிவித்த கினெஸட் சபாநாயகர் அமீர் ஒஹானா (Amir Ohana)

“நாம் நான்கு ஆண்டுகாலப் பதவிக்காலத்தை நிறைவு செய்துள்ளோம். இக்காலத்தில் ஒன்பது வரவுசெலவுத் திட்டங்களையும் (Budgets) நூற்றுக்கணக்கான சட்டமூலங்களையும் நிறைவேற்றியுள்ளோம்.

என் மீது நீங்கள் வைத்த நம்பிக்கைக்கு நன்றி தெரிவிப்பதுடன், அதன் மூலம் நாம் ஒன்றிணைந்து இந்த நான்கு ஆண்டுகால ஆட்சியை வெற்றிகரமாகக் கொண்டு சேர்த்துள்ளோம்” என்று தெரிவித்தார்.