இஸ்ரேல்-ஈரான் மோதல் – பாய்ச்சப்பட்ட ஆளில்லா விமானங்களை சுட்டு வீழ்த்தும் இஸ்ரேல்

இஸ்ரேல் மீது ஈரான் பாய்ச்சிய ஆளில்லா விமானங்கள் ஜெரூசலத்தில் (Jerusalem) சுட்டு வீழ்த்தப்படுகின்றன.

உள்ளூர் நேரப்படி இரவு 1.45 மணி அளவில் அவற்றை இஸ்ரேல் நடுவானில் சுட்டு வீழ்த்தியது.

நகரம் முழுவதும் எச்சரிக்கை ஒலி எழுப்பப்பட்டுள்ளது. ஈரானின் தாக்குதலை எதிர்கொள்ள தமது நாடு தயாராக இருப்பதாக இஸ்ரேலிய பிரதமர் பெஞ்சமின் நெட்டன்யாஹு தெரிவித்துள்ளார்.

இஸ்ரேல் மீது பல ஆளில்லா விமானங்களை ஏவுகணைகளையும் பாய்ச்சியிருப்பதாக ஈரான் அறிவித்தது. ஈரானின் தாக்குதல் பற்றி தகவல் கிடைத்ததும் உச்ச-விழிப்பு நிலையில் இருப்பதாக இஸ்ரேலிய தற்காப்புப் படை தெரிவித்தது.

இஸ்ரேல், ஜோர்தான், லெபனொன், ஈராக் ஆகியவை அவற்றின் ஆகாய வெளியை மூடியிருக்கின்றன.

ஜோர்தானும் சிரியாவும் அவற்றின் ஆகாயத் தற்காப்பைத் தயார்-நிலையில் வைத்திருக்கின்றன.