வங்கதேசத்தின் டாக்காவில் உள்ள குடிசை வீடுகளில் நேற்று இரவு தீவிபத்து ஏற்பட்டுள்ளது. இதனால்  1,500 வீடுகள்  தீயில் எரிந்து நாசமாகியுள்ளதாக அதிகாரிகள் குறிப்பிட்டுள்ளனர். டாக்காவில் உள்ள குடிசை வீடுகளின் வரிசையில் தீ விபத்து ஏற்பட்டதாக வெளிநாட்டு ஊடகங்கள் தெரிவித்தன. தீயை அணைக்க சுமார் 19 தீயணைப்பு வாகனங்கள் பயன்படுத்தப்பட்டதாகவும், 05 மணிநேர போராட்டத்தின் பின் தீ கட்டுக்குள் கொண்டுவரப்பட்டதாகவும் தெரிவிக்கப்படுகிறது. தீ விபத்து குறித்து மேலதிக விசாரணைகள் முன்னெடுக்கப்பட்டு வருவதாகவும் அறிவிக்கப்பட்டுள்ளது.

இந்தோனேசியாவின் சுமத்ரா தீவில் பெய்த கனமழையால் ஏற்பட்ட வெள்ளத்தில் சிக்கி ஏறக்குறைய 10 பேர் உயிரிழந்துள்ளதாக அறிவிக்கப்பட்டுள்ளது. மேலும் ஆறு பேர் காணாமல் போயுள்ளதாகவும் அதிகாரிகள் குறிப்பிட்டுள்ளனர். மண்டேலிங் நடால் (Mandailing Natal) பகுதியில் பாலம் இடிந்து விழுந்ததில் 470 வீடுகள் நீரில் மூழ்கியுள்ளதாகவும், நியாஸ் தீவில் ( Nias island) நிலச்சரிவு ஏற்பட்டுள்ளதாகவும் கூறப்படுகிறது. தொடர்ந்து மழை பெய்து வருவதால் மேலும் நிலச்சரிவுகள் ஏற்படக்கூடும் என்றும் அனர்த்த முகாமைத்துவ அதிகாரிகள் அறிவுறுத்தியுள்ளனர். இந்நிலையில் அவசரகால தங்குமிடங்கள் […]