மாவிலாறு பிரதேசத்தில் வெள்ளத்தால் பாதிக்கப்பட்ட பகுதிகளில் சிக்கியிருந்த 121 பேர் பாதுகாப்பாக மீட்கப்பட்டுள்ளனர். இவர்கள், இலங்கை விமானப்படைக்குச் சொந்தமான ஹெலிகொப்டர்கள் மூலம் மீட்கப்பட்டுப் பாதுகாப்பான இடங்களுக்கு அழைத்துச் செல்லப்பட்டுள்ளனர் என இலங்கை விமானப்படை ஊடகப் பேச்சாளர் தெரிவித்துள்ளார். மேலும், அப்பகுதியில் மீட்புப் பணிகள் தொடர்ந்தும் முன்னெடுக்கப்பட்டு வருகின்றன.

2025 ஆம் ஆண்டுக்கான க.பொ.த உயர்தரப் பரீட்சையுடன் சேர்த்து நடத்த திட்டமிடப்பட்டிருந்த மற்ற அனைத்துப் பரீட்சைகளும் காலவரையின்றி ஒத்திவைக்கப்பட்டுள்ளதாக பரீட்சைகள் திணைக்களம் இன்று அறிவித்துள்ளது. நாட்டில் நிலவும் பேரிடர் சூழ்நிலையைக் கருத்தில் கொண்டு இந்த முடிவு எடுக்கப்பட்டுள்ளதாக பரீட்சைகள் ஆணையர் ஜெனரல் இந்திக லியனகே தெரிவித்தார். தொடர்ச்சியான மின்வெட்டு மற்றும் தகவல் தொடர்பு சிக்கல்கள் காரணமாக, பரீட்சைகள் தொடர்பாக அதிக அளவிலான கேள்விகள் திணைக்களத்திற்கு வருவதாகவும், அதனை தெளிவுப்படுத்தும் வகையில் குறித்த அறிவிப்பு மீளவும் வெளியிடப்பட்டுள்ளதாகவும் இந்திக […]

வெள்ளத்தால் பாதிக்கப்பட்ட பகுதிகள் மற்றும் சேதமடைந்த பாலங்கள் போன்ற இடங்களை வேடிக்கை பார்ப்பதற்காகச் செல்வதைத் தவிர்க்குமாறு பொலிஸ் ஊடகப் பேச்சாளர் பொதுமக்களிடம் கோரிக்கை விடுத்துள்ளார். நிலவும் அனர்த்த நிலைமை காரணமாக பல இடங்களில் ஆபத்துகள் காணப்படுவதால், தேவையற்ற பயணங்களைத் தவிர்த்து பாதுகாப்பாக இருக்குமாறும் அவர் பொதுமக்களை வலியுறுத்தியுள்ளார். சிலர் ஆபத்தை அறியாமல பொழுதுபோக்கிற்காகவும் மகிழ்ச்சிக்காகவும் சென்று உயிருக்கு ஆபத்தை தேடிக்கொள்வதாகவும் சுட்டிக்காட்டினார். சமூகவலைத்தளங்களில் இவற்றை அவதானிக்க முடிந்தாகவும், எனவே ஆபத்துடன் விளையாட வேண்டாம் என்றும் கேட்டுக்கொண்டார்.

கடந்த 24 மணித்தியாலங்களில் நாட்டின் அதிகபட்ச மழைவீழ்ச்சி பதிவாகிய இடங்களை அனர்த்த முகாமைத்துவ மத்திய நிலையம் (DMC) வெளியிட்டுள்ளது. இதன்படி கிளிநொச்சி மாவட்டத்தின் பொக்கணை பிரதேசத்தில் அதிக மழைவீழ்ச்சி பதிவாகியுள்ளது. அங்கு 274 மில்லிமீற்றர் மழை பெய்துள்ளதாக தெரிவிக்கப்பட்டுள்ளது. பொக்கணை (கிளிநொச்சி): 274 மி.மீ போர்த்துகெரி (மன்னார்): 210 மி.மீ மடு (மன்னார்): 193 மி.மீ துனுமலே தோட்டம் (கேகாலை): 181 மி.மீ கிரிந்திவெல (கம்பஹா): 121 மி.மீ கிளென்தில்ட் தொழிற்சாலை (நுவரெலியா): 104 மி.மீ