ஜெர்மனியில் குடியுரிமை பெற்ற வெளிநாட்டவர்களால் ஏற்படவுள்ள மாற்றம்

ஜெர்மனியில் வரலாற்றில் முதற்தடவையாக நடைபெறவுள்ள பொதுத் தேர்தலில், அதிகளவான புதிய குடிமக்களும் முதல் முறை வாக்காளர்களாக மாறியுள்ளனர்.

அதிக மக்கள் தொகை கொண்ட மாநிலமான வடக்கு ரைன்-வெஸ்ட்பாலியாவில், 2021 ஆம் ஆண்டில் கடைசியாக வாக்காளர்கள் வாக்களிக்கச் சென்ற காலப்பகுதியை விடவும் சுமார் 121260 குடியிருப்பாளர்கள் ஜெர்மன் குடியுரிமையைப் பெற்றுள்ளனர்.

பேடன்-வூர்ட்டம்பேர்க்கில், 2021 ஆம் அண்டை விட 61020 குடிமக்கள் வாக்களிக்க முடியும். 18 வயதுக்கு மேற்பட்ட ஜெர்மன் குடிமக்கள் மட்டுமே தேர்தல்களில் வாக்களிக்கத் தகுதியுடையவர்களாகும்.

ஜெர்மனியில் எவ்வளவு காலம் வாழ்ந்தாலும், தற்காலிக அல்லது நிரந்தர குடியிருப்பாளர்கள் வாக்களிக்க முடியாது. மேலும் மற்றொரு ஐரோப்பிய ஒன்றிய குடியுரிமை உள்ள குடியிருப்பாளர்கள் உள்ளூர் அல்லது ஐரோப்பிய ஒன்றியத் தேர்தல்களில் மட்டுமே வாக்களிக்க முடியும்.

இந்நிலையில் நடைபெறவுள்ள தேர்தலில் ஆயிரக்கணக்கான புதிய ஜெர்மானியர்கள் தங்கள் வாக்குகளை செலுத்த இரண்டு முக்கிய காரணங்கள் உள்ளன.

2015 ஆம் ஆண்டில் பல சிரிய குடிமக்கள் அகதிகளாக ஜெர்மனிக்கு வந்து 2023 ஆம் ஆண்டு, 8 ஆண்டுகள் ஆவதைக் குறிக்கிறது. மேலும் 2024ஆம் ஆண்டு கோடை வரை ஜெர்மனியில் 8 ஆண்டுகள் வசிப்பது குடியுரிமைக்கான தேவையாக இருந்தது.

கூட்டணி அரசாங்கம் அதன் புதிய குடியுரிமைச் சட்டத்தை நிறைவேற்றிய 2024 ஆம் ஆண்டு ஜூன் மாதம், 8 ஆண்டுகள் வசிக்கும் கால அவகாசம் 5 ஆண்டுகளாகக் குறைக்கப்பட்டது.