பிரேசிலில் உச்ச நீதிமன்றம் அருகே குண்டுவெடிப்பு; ஒருவர் மரணம்!

பிரேசிலில் நவம்பர் 13ஆம் திகதியன்று இரண்டு குண்டுவெடிப்புச் சம்பவங்கள் நிகழ்ந்தன.

பிரேசிலின் தலைநகரம் பிரேசிலியாவில் உள்ள முக்கிய சின்னமான ‘பிளாசா ஆஃப் தி த்ரீ பவர்ஸ்’ எனும் இடத்தில் குண்டுகள் வெடித்தன.

குண்டுவெடிப்புகள் அந்நாட்டின் உச்ச நீதிமன்றம், நாடாளுமன்றக் கட்டடம், அதிபர் மாளிகை அருகில் நிகழ்ந்தன.இதில் ஒருவர் மரணம் அடைந்தார்.

முதல் குண்டுவெடிப்பு பிரேசிலின் உச்ச நீதிமன்றத்திற்கு அருகில் உள்ள வாகன நிறுத்துமிடத்தில் நிகழ்ந்தது.உச்ச நீதிமன்றத்தில் இருந்தோர் பத்திரமாக வெளியேற்றப்பட்டனர்.

வெடிகுண்டுகள் வெடிப்பதற்குச் சிறிது நேரம் முன்பு பிரேசிலிய அதிபர் லுயிஸ் இனாசியோ லுலா டா சில்வா, அதிபர் மாளிகையிலிருந்து புறப்பட்டுச் சென்றதாகத் தெரிவிக்கப்பட்டது.

இன்னும் சில நாள்களில் பிரேசிலின் ரியோ டி ஜெனிரோவில் ஜி-20 மாநாடு நடைபெற இருக்கும் நிலையில் இந்தக் குண்டுவெடிப்புகள் நிகழ்ந்துள்ளன.

குண்டுவெடிப்பு நிகழ்ந்த இடங்களில் அதிகாரிகள் விசாரணை நடத்தி வருகின்றனர்.

தொடர்புடைய செய்திகள்:

அறுவை சிகிச்சையின் போது உயிரிழந்த பிரேசிலிய பாடகி பெருவில் மாறுவேடத்தில் பிரபல போதைப்பொருள் வியாபாரியை கைது அதிகாரி பிரேசிலில் கருக்கலைப்பு தடையை கடுமையாக்கும் மசோதாவுக்கு எதிராக பெண்கள் பேரணி 2026 தேர்தலில் போட்டியிடவுள்ள பெருவின் முன்னாள் ஜனாதிபதி மேடையில் மின்சாரம் தாக்கி உயிரிழந்த பிரேசிலிய பாடகர் கொலம்பியாவில் ராணுவ ஹெலிகாப்டர் விபத்தில் 8 வீரர்கள் பலி