வீடியோவுடன் வெளியாகும் KH 234 படத்தின் பெயர்… வெறித்தனமாக வெயிட் செய்யும் ரசிகர்கள்

கமல் ஹாசனும், மணிரத்னமும் இணையும் KH 234 படத்தின் புதிய போஸ்டர் வெளியாகியிருக்கிறது.

விக்ரம் படத்தின் மூலம் கோலிவுட்டில் ரீ என்ட்ரி கொடுத்த கமல் ஹாசன் அந்த வெற்றியின் உற்சாகத்தால் அடுத்தடுத்து படங்களில் கமிட்டாகிவருகிறார்.

அதன்படி அடுத்ததாக அவரது நடிப்பில் இந்தியன் 2, ஹெச்.வினோத் இயக்கத்தில் ஒரு படம், மணிரத்னம் இயக்கத்தில் ஒரு படம் வெளியாகவிருக்கிறது.

கமல் ஹாசனும், மணிரத்னமும் ஏற்கனவே இணைந்து நாயகன் படத்தை கொடுத்தனர். அந்தப் படம் இந்தியாவிலேயே தலைசிறந்த படமாக கொண்டாடப்படுகிறது.

இதையடுத்து கமல் ஹாசனும் மணிரத்னமும் மீண்டும் இணைகிறார்கள் என்ற அறிவிப்பு சில மாதங்களுக்கு முன்பு வெளியானது.

தன்படி படத்தை ராஜ்கமல் நிறுவனம், மெட்ராஸ் டாக்கீஸ், ரெட் ஜெயண்ட் நிறுவனங்கள் இணைந்து தயாரிக்கின்றன. வழக்கம்போல் இசையமைப்பாளர் ஏ.ஆர்.ரஹ்மான் இசையமைக்கிறார்.

த்ரிஷாவும், நயன்தாராவும் இணைந்து இந்தப் படத்தில் நடிக்கவிருப்பதாக ஒரு பேச்சு ஓடிக்கொண்டிருக்கிறது.

https://twitter.com/RKFI/status/1721384575144956345

சமீபத்தில் படத்தின் டீசர் ஷூட்டிங் நடந்தது. இதில் மணிரத்னம், கமல் ஹாசன் உள்ளிட்ட படக்குழுவினர் கலந்துகொண்டனர். அந்த டீசர் ஷூட்டிங்கின்போது இந்தப் படத்தில் யார் யார் பணியாற்றுகிறார்கள் என்பது குறித்த அறிவிப்பும் அட்டகாசமாக வெளியிடப்பட்டது.

இந்நிலையில் கமல் – மணிரத்னம் இணையும் படத்தின் பெயர் இன்று மாலை வீடியோவுடன் வெளியிடப்படும் என்று அறிவிக்கப்பட்டிருக்கிறது. இதனால் ரசிகர்கள் வெறித்தனமாக வெயிட் செய்துகொண்டிருக்கிறார்.

நிலைமை இப்படி இருக்க தற்போது படத்தின் புதிய போஸ்டர் வெளியாகியிருக்கிறது. அதில் கமல் ஹாசன் முகம் முழுக்க மூடியிருக்க அவரது கண்கள் மட்டும் தெரிகின்றன.

மேலும் பின்னணியில் குண்டு வெடித்து எழும் புகை போன்றும் இடம்பெற்றிருக்கிறது. இதனால் இந்தப் படம் பக்கா ஆக்‌ஷன் ஜானரில் வரவிருக்கிறதோ என்ற கேள்வியும் ரசிகர்களிடம் எழுந்திருக்கிறது.