பேருந்தில் பயணித்த ஒருவர் மரணம்

கண்டி போதனா வைத்தியசாலையில் சிகிச்சைக்காக சென்றுவிட்டு பேருந்தில் வீடு திரும்பிக்கொண்டிருந்த இரண்டு பிள்ளைகளின் தந்தை (20) பேருந்திலேயே உயிரிழந்துள்ளதாக ஹட்டன் பொலிஸார் தெரிவித்தனர்.

திக் ஓயா படல்கல மேல் பகுதியைச் சேர்ந்த ஆறுமுகன் தியாகேஸ்வரன் என்ற இரண்டு பிள்ளைகளின் தந்தையே பேருந்தில் உயிரிழந்துள்ளார்.

உயிரிழந்தவர் முச்சக்கரவண்டி சாரதி என்பதுடன், தொற்று அல்லாத நோய்க்காக மாதம் ஒருமுறை கண்டி போதனா வைத்தியசாலைக்கு செல்வதுடன், (19ஆம் திகதி) வீட்டை விட்டு வெளியேறி, (20ஆம் திகதி) காலை சிகிச்சையில் கலந்துகொண்டு, தனியார் பேருந்து வீடு திரும்பியுள்ளார்.

ஹட்டனில் இருந்து பொடைஸ் நோக்கி சென்ற போது, ​​பேருந்தில் பயணித்த போது உயிரிழந்ததாக உயிரிழந்தவரின் சகோதரர் தெரிவித்துள்ளார்.

பேருந்தில் பயணம் செய்த பயணி பேருந்தில் இருந்து இறங்காதது குறித்து பேருந்தின் ஓட்டுநர் மற்றும் நடத்துனருக்கு தகவல் தெரிவிக்கப்பட்டதையடுத்து அவர்கள் இருவரும் பயணியை சோதனையிட்டதில் அவர் உயிரிழந்தது உறுதி செய்யப்பட்டது.

ஹட்டன் பொலிஸாரின் பணிப்புரைக்கமைய, உயிரிழந்த இரண்டு பிள்ளைகளின் தந்தையின் சடலம் அதே பேருந்தில் திக் ஓயா ஆரம்ப வைத்தியசாலைக்கு கொண்டு செல்லப்பட்டு ஒப்படைக்கப்பட்டது.

சம்பவம் தொடர்பில் ஹட்டன் பொலிஸார் விசாரணைகளை மேற்கொண்டு வருகின்றனர்.