தடுப்பூசி விஷமானதில் நான்கு மாத குழந்தை உயிரிழப்பு!

வெலிகம – நலவன பகுதியில் தடுப்பூசி செலுத்தப்பட்டதன் பின்னர், 4 மாத குழந்தையொன்று உயிரிழந்துள்ளதாக தகவல் வெளியாகியுள்ளது.

இக்குழந்தைக்கு செலுத்தப்பட்ட தடுப்பூசி விஷமானமையே இறப்புக்கான காரணம் என குழந்தையின் உறவினர்கள் குற்றம் சாட்டியுள்ளனர்.

குறித்த தடுப்பூசியானது கடந்த 2 ஆம் திகதி இக் குழந்தைக்கு  வெலிபிட்டிய சுகாதார வைத்திய அதிகாரி காரியாலயத்தில் செலுத்தப்பட்டுள்ளதாக தெரியவந்துள்ளது.

இதனைத் தொடர்ந்து, குழந்தைக்கு ஏற்பட்ட கடும் குளிர் காரணமாக 05ம் திகதி இமதுவ ஆதார வைத்தியசாலையில் சிகிச்சை அளிக்கப்பட்டுள்ளது. பின்னர் நிலமை மோசமானதன் விளைவாக கராப்பிட்டிய போதனா வைத்தியசாலையில் அனுமதிக்கப்பட்டுள்ளது.

எனினும், குறித்த குழந்தை வைத்தியசாலையில் அனுமதிக்கப்படுவதற்கு முன்னரே இறந்திருந்ததாக பிரேத பரிசோதனை அறிக்கையில் தெரியவந்துள்ளதாக குறிப்பிடப்பட்டுள்ளது.இந்நிலையில், ஏற்றப்பட்ட தடுப்பூசி விஷம் அடைந்தமையாலேயே மரணம் சம்பவித்துள்ளதாக பெற்றோர் குற்றம் சுமத்தியுள்ளனர்.

தடுப்பூசி விஷமடைந்திருந்தால் குறுகிய காலப்பகுதிக்குள் மரணம் இடம்பெற்று இருக்க வேண்டும். எவ்வாறாயினும், பிரேத பரிசோதனைகளுக்காக பிறகே மரணத்துக்கான காரணத்தை உறுதியாக கூறலாம் என சுகாதார அலுவலகம் தெரிவித்துள்ளது.

See also  இந்த வாரம் இலங்கைக்கு விஜயம செய்யும் இந்திய வெளிவிவகார அமைச்சர்!

தொடர்புடைய செய்திகள்:

சிம்பாப்வே மற்றும் இலங்கை அணிகளுக்கிடையிலான கிரிக்கட் மோதலுக்கு மத்தியில் சூடான நிலை இலங்கையில் வைத்தியசாலை பணிப்பகிஷ்கரிப்பு – முப்படையினரும் வரவழைப்பு யாழ்ப்பாணத்தில் இன்று விமர்சயாக கொண்டாடப்பட்ட பட்டிபொங்கல் நிகழ்வு வெப்பம் அதிகமாக இருப்பதால், பொலிஸ் குதிரைகளுக்கு பாதுகாப்பு இலங்கையில் பொழியவுள்ள விண்கல் மழை : வடபகுதி மக்களுக்கு கிடைக்கும் வாய்ப்பு! இலங்கை ஜனாதிபதி தேர்தல் 2024 : நண்பகல் 12 மணி நிலைவரம்!