இலக்கை தவறவிட்ட ஈரான்!! 47 ஆண்டுகால பிரச்சினைக்கு தீர்வு கோரும் ட்ரம்ப்!

குவைத் மற்றும் பஹ்ரைனை நோக்கி ஏவப்பட்ட ஈரானிய ஏவுகணைகள் இலக்கைத் தவறவிட்டன அல்லது இடைமறிக்கப்பட்டன என்று அமெரிக்க இராணுவம் தெரிவித்துள்ளது.

இதற்குப் பதிலடியாக, ஹோர்முஸ் ஜலசந்திக்கு அருகிலுள்ள கெஷ்ம் (Qeshm) தீவில் அமைந்துள்ள ஈரானிய இராணுவத் தரைக்கட்டுப்பாட்டு நிலையம் மீது அமெரிக்கா தாக்குதல்களை நடத்தியுள்ளது.

குவைத்தை இலக்காகக் கொண்ட இரண்டு ஏவுகணைகள் செல்லும் வழியிலேயே சிதறியதாகவும், பஹ்ரைனை இலக்காகக் கொண்ட ஏவுகணைகளை அமெரிக்க மற்றும் பஹ்ரைன் படைகள் இடைமறித்ததாகவும் கூறப்படுகிறது.

இதற்கிடையில், அமெரிக்காவிற்கும் ஈரானுக்கும் இடையிலான அமைதிப் பேச்சுவார்த்தைகள் நிறுத்தப்பட்டுவிட்டதாகக் கூறப்படும் கருத்துக்களை டொனால்ட் ட்ரம்ப் மறுத்துள்ளார்.

மேலும், 47 ஆண்டுகளாகத் தீர்க்கப்படாத பிரச்சினைகளைக் குறிப்பிட்டு, “நீங்கள் எப்படியாவது ஒரு ஒப்பந்தம் செய்ய வேண்டிய நேரம் இது” என்றும் வலியுறுத்தியுள்ளார்.